Sisimiuni, Nuummi Paamiunilu sinerissamut qanittumi saattussanik qaffaaneq

Fiskefartoej

 

Ulloq 10. oktober 2013 ataatsimiinnermi aqutsisoqarfinni Sisimiuni aamma Nuummi-Paamiuni sinerissamut qanittumi saattussanut pisassiissutinik qaffaaniaarlutik Naalakkersuisut aalajangiipput. Aqutsisoqarfik Sisimiunut pisassiissutit 150 tons-inik qaffanneqassapput aammalu aqutsisoqarfinni Nuummi-Paamiunilu pisassiissutit 200 tons-inik qaffanneqassapput.

Missiliorneqarpoq taamatut pisassiissutit annertussuseqartillugit periarfissaqassasoq 2013-ip sinneranut sumiiffinni pineqartuni aalisarnermik ammatitsinissamut. Aqutsisoqarfik Sisimiunut tunngatillugu erseqqissaatigineqassaaq, matumani immikkut ittumik pisassiissutit qaffanneqarnissaat pineqarmat tamatumanilu naatsorsuutigineqassanngitsoq ukiup tulliani taamaasiortoqaqqinnissaanik. Sisimiut eqqaanni pisassiissutit qaffanniarneqarnerat Pinngortitalerifimmit mianersoqqussutigineqarpoq, saattuaqassuseq sakkortuumik tatisimaneqarmat. Pisassiissutissanik 150-tonsinik qaffaaneq immikkut ittuuvoq inassutigineqarlunilu akuersissutigineqartussatut, maannakkorpiaq aalisakkanik allanik tunisisinnaanermut periarfissaqartoqannginnera pissutigalugu.

Naatsorsuutigineqassaaq, Nuuk-Paamiuni pisassiissutinit 200 tonsinik qaffaaneq aamma Sisimiut eqqaanni 150 tonsinik sumiiffinni pineqartuni aalisartunut saattuarniarsinnaanermi aalisarsinnaanermi akuersissutilinnut piffissami sivikitsumi aningaasaqarniarnikkut pitsaasunik kinguneqassasoq.

Apeqqutissaqartoqarpat Aalisarnermut, Piniarnermut Nunalerinermullu Naalakkersuiso-qarfik attavigineqarsinnaavoq uunga: 34 50 00 imaluunniit e mail: apnn@nanoq.gl