Juullinnginnerani aningaasarsisarneq

Penge

 

Ilaqutariinnut tamanut - aamma ilaqutaarinnut amerlasoorsuarnik isertitaqartartuunngitsunut jullimi nuanersumik ilorrisimaarnissamut aamma jullimi tunissutisinissamut akissaqartoqassaaq. Taamaattumik Naalakkersuisut aalajangiuppaat, decemberimi aningaasarsiat aammaarlugit juulinnginnerani tunniunneqartalissasut.

- Ilaqutariippassuarnut pingaaruteqartorujussuuvoq julleriartornera ornissinnaallugu ilisimallugulu, meeqqanut tunissutisinissamut akissaqarluni. Uagut Naalakkersuisuni innuttaasut immikkut taperserneqarnissamik pisariaqartitsisut misigeqatigalugit tapersersorpavut, taama oqarpoq Aningaasaqarnermut Nunamullu Namminermut Naalakkersuisoq, Vittus Qujaukitsoq.

Peqatigitillugu erseqqissaatigaa, innuttaasut januarmi aningaasaqarniarnerat aamma ernummatigissallugu tunngavissaqanngitsoq.

- Naalakkersuisut suliassarinngilaat aalajangersassallugit inuit aningaasaatiminnik qaqugukkut qanorlu atuisassanersut. Aamma upperaara, amerlasoorpassuit januarimi sipaarniarusuttartut, meeqqaminnut juullimik pissarsiassaannik tunniussisinnaasimagaangamik. Maannalu taamaasiorsinnaalerput, Aningaasaqarnermut Naalakkersuisoq naggasiivoq.

Paasissutissat sukumiinerusut uannga piniarneqarsinnaapput:
Naalakkersuisup allattaa Marthanguaq Rasmussen attaveqarfiguuk oqarasuaat 34 52 12 imaluunniit mail: marm@nanoq.gl atorlugu.