Ukiaanerani aqutsiveqarfinni tuttuniarneq umimmanniarnerlu

Aalisarnermut, Piniarnermut Nunalerinermullu Naalakkersuisoqarfimmit (APNN) eqqaasitsissutigineqarpoq.

Ukiakkut inuussutissarsiutigalugu sunngiffimmilu tuttunniarneq oktoberip 15-iani 2013-imi unnuaq qeqqanut piniarfinni ukunani unitsinneqassaaq: piniarfik 1, piniarfik 2, piniarfik 3, piniarfik 4, piniarfik 5, piniarfik 6, piniarfik 7, piniarfik 8, piniarfik 11 kiisalu Ivittuut aqutsiveqarfiani. Piniarfik 10-mi (Prudhoe Land) novembarip 15-iani 2013-mi unnuap qeqqata tungaanut ingerlaannassalluni.

 

Ukiaanerani akiliisitsilluni tuttunniarneq oktoberip 15-iani 2013-imi unnuaq qeqqanut piniarfinni ukunani unitsinneqassaaq: piniarfik 1, piniarfik 3, piniarfik 4, piniarfik 8, piniarfik 9, piniarfik 10 kiisalu Ivittuut aqutsiveqarfiani. Piniarfik 2-mi akiliisitsilluni tuttunniarneq oktoberip 31-iani 2013-imi unnuap qeqqata tungaanut ingerlaannassaaq.

 

Ukiaanerani inuussutissarsiutigalugu sunngiffimmilu umimmanniarneq Siggummi  Naternamilu umimmaqatigiit eqqarsaatigalugit kiisalu Ittoqqortoormiit aqutsiveqarfianni oktoberip 15-iani 2013-imi unnuap qeqqanut unitsinneqassaaq. Sisimiut Maniitsullu aqutsiveqarfiit eqqarsaatigalugit oktoberip 31-iani unnuap qeqqata tungaanut ingerlaannassaaq.

 

Ukiaanerani akiliisitsilluni umimmanniarneq oktoberip 15-iani 2013-imi unnuap qeqqanut  piniarfinni ukunani unitsinneqassaaq: Inglefield Land, Sigguk kiisalu Naternaq taavalu aamma aqutsiveqarfinni ukunani: Sisimiut, Maniitsoq, Ivittuut kiisalu Ittoqqortoormiit.

 

Inuussutissarsiutigalugu piniartut sunngiffimmilu aallaniartartut tamarmik pisussaaffigaat akuersissutitik pisanik nalunaarfissat immersoreerlugit kommunip allaffianut piffissap piniarfissap naammassereernerata kingusinnerpaamik ullut 14-it kingorna utertissallugit.

 

Neriuppugut tamassi piniarluarsimassasusi.

 

Paasissutissat annertunerusut www.naalakkersuisut.gl-mi pissarsiarineqarsinnaapput imaluunniit uunga saaffiginninnikkut:

Allaffimmi pisortaq Amalie Jessen, Tlf. 34 53 04, E-mail: amalie@nanoq.gl

Nalunaarut tamaat bilagitai ilanngullugit uani atuaruk