Aleqa Hammond Arctic Circle-mi ataatsimeersuarnermi pingaarnertut oqalugiartuussaaq

Aleqa i naturen

 

Oktoberip 12.-nit 14.-nut siullermeersumik Reykjavikimi Arctic Circle-mi ataatsimeersuartoqassaaq, tassanilu Islandip præsidentia Ólafur Ragnar Grímsson qaaqqusisuussaaq.

Naalakkersuisut Siulittaasuat Aleqa Hammond arfininngornerup ullaap tungaani ataatsimeersuarnerup ammaaneqarnerani pingaarnertut oqalugiartuussaaq.

Ataatsimeersuarnerup ammaanersiorneqarnissaanut nunarsuarmi tamanit inuit 900-nit amerlanerit peqataaniarlutik nalunaarsimapput, tassani issittumi nunat arfineq pingasut peqataanerisa saniatigut nunat allat 40-nit ikinnerunngitsut, ilaatigut Kina, Indien, Tysk-land, Brasilien, Korie Kujalleq kiisalu Singapore peqataassapput.

Oqalugiartussat allat tassaassapput FN-imi qullersaat Ban Ki-Moon, siusinnerusukkut USA-p nunanut allanut ministeria Hillary Rodham Clinton kiisalu FN-ip silaannaap pillugit immikkut paasisimallit siulittaasuat Rajendra K. Pachauri.

Ataatsimeersuarneq majimi Issittumi Siunnersuisooqatigiit ataatsimiinnerannit, ilaatigut asiamiut europamiullu nunat pingaarutillit arlallit alaatsinaattutut ilanngutsinneqarnerisa kingorna  siullermeersumik nunat tamat ataatsimiinnerissavaat.

 

Arctic Circle-mi ataatsimeersuarneq ugguuna malinnaavigineqarsinnaavoq www.arcticcircle.org, Twitter-ikkut @ArcticAssembly #ArcticCircle taamatullu Facebook, Google+ kiisalu YouTube aqqutigalugit.