Palle, ilisimasatit assortorlugit aammaarlutit oqaloqqipputit

Sapaatip akunnerani uani Atuagadliutit-ni saqqummersumi, ilumuunngilaq allagaqaravit, piuminaatsuusimasoq qulakkeerniassallugu piffissami 2009-miit 2013-imut ilinniartunut inissialiornermi 500 mio-it atorneqarsimammata.

Ilinniarnermi pilersaarusiorneq suliassaqarfiit ilagivaat, partiimi suminngaaneersuuneq akimorlugu siammasissumik Inatsisartuni 2005-imiilli isumaqatigiittarsimaneq, taamaat-tumik paasisinnaanngilara sooq illit suliassaqarfimmi tassani isumaqatigiinngittoqarnis-saanik sulinerit aalajangiusimatiinnarakku. Ilinniartitaanermi aningaasaliissuterpassuit pilersinneqartut EU-lu suleqatigiinnissamut isumaqatigiissummi aningaasaliinerit ikiorsiullugit, 2005-ip aallartinneranni partiinit tamanit tapersersorneqarnikuuvoq piffissami tassani manna tikillugu, tamannalu pisimavoq Naalakkersuisooqatigiit kikkuugaluarpataluunniit, taamaattumik uanga soqutigisarisinnaanngilara, tamatta tulluusimaarutigisassatsinnik assortuinissara.

Ilinniartunut inissialiassanut atatillugu 2014-imi aningaasamut inatsisip siunnersuutaanni saassussinernut atatillugu akinikuuakkit, uagut Naalakkersuisut nutaani pilersaarutiginngipput ilinniartut inaanik nutaanik ilinniartitaanermullu attuumassutilinni sanaartornerni allani ukiuni sisamani annerusumik aningaasaliinissamut aningaasamut inatsimmi saqqummiunneqartumiit aningaasaliinermik pilersaaruteqartugut, 2013-imi aningaasanut inatsimmi aningaasaliissutaasuninngarniit. Eqqortumik taasinertuut, ilumoorpoq aningaasamut inatsimmi ilinniartut inissaannut pilersaarutaasoq 60 mio-inik aningaasaliisoqarnissaa, massakkumullu suli aningaasamut inatsimmut atuuttumut pilersaarutini kingullerni ersersitsisuni takuneqarsinnaasoq Naalakkersuisuusimasut 37,9 mio-it suliassaqarfimmut tassunga aningaasaliissutigisimagaat.

Oqariartarnerillu uani atussagutsigu oqartariaqarsorinarpoq, isumaqatigiissutigisinnaagipput 60 mio-it 40 mio-iniit amerlanerummata, ilaa?

Inussiarnersumik inuulluaqqusillunga
Med venlig hilsen

Nick Nielsen