Siulittaasoq nutaaq

Nunatsinni Naligiissitaanermut Siunnersuisoqatigiinni siulittaasumik nutaamik Naalakkersuisut toqqaapput

Nunatsinni Naligiissitaanermut Siunnersuisoqatigiinni piffissamut 2013-2014-imut siulittaasoq nutaaq Naalakkersuisut toqqarpaat.

Siulittaasoq nutaaq tassaavoq Ulrikka Holm, sexologitut aappariinnillu katsorsaasartutut sulinini aqqutigalugu ilaatigut suiaaqatigiinnik isummertarnermik suiaaqatigiillu akornanni attaveqaqatigiittarnermik ilisimasalik. Ulrikka Holmip Aviaaja Lyberth Lennert ukioq manna siusinnerusukkut Nunatsinni Naligiissitaanermut siulittaasutut tunuartoq taarserpaa.

Nunatsinni Naligiissitaanermut Siunnersuisoqatigiit ilaasortaqarput siulittaasumik ataatsimik ilaasortanillu arfinilinnik, taakkulu kattuffiit innersuussinerisa kingorna Naalakkersuisunit toqqarneqartarput. Siunnersoqatigiinni siunertaavoq Kalaallit Nunaanni naligiissitaaneq pillugu oqallinnermut, ilisimasaqarnermut paasisitsiniaanermullu tapersiinissaq. Tamassuma saniatigut Naligiissitaanermut Siunnersuisoqatigiit nunat tamat akornanni Nunanilu Avannarlerni naligiissitaaneq pillugu suliaqarfinnut siunnersuisartuusunut allanut attaveqaataapput.