Siulersuisuni siulittaasoq nutaaq

Greenland Holding A/S-imi siulersuisuni siulittaasoq nutaaq

Greenland Holding A/S-imi immikkut ittumik ataatsimeersuartoqarpoq 20. september 2013, tassani Naalakkersuisunit ingerlatseqatigiiffimmut siulersuisuni silittaasup tullia Christian Motzfeldt siulittaasutut toqqarneqarpoq 2014-imi ileqquusumik ataatsimeersuarnissap tungaanuugallartoq. Christian Motzfeldt-p siulittaasuuffik Vagn H. Andersenimit kingoraarneqarpoq, Vagn H. Andersen-p siulersuisunit tunuarnissani kissaatigisimammagu.

Christian Motzfeldtimit toqqaasoqarpoq ingerlatseqatigiiffimmut periusissiap anguniagassallu patajaassusiat tulleriinnerilu qulakkeerniarlugit. Ineriartortitsinermut aningaasaateqarfimmi ulluinnarni Christian Motzfeldt inuussutissarsiutitigut ineriartortitsinermik sulinermigut, siuarsaanissamut atortunik aamma namminerisamik ingerlatseqatigiiffimmik aallartitsiniarnermi killiffinni tamani aningaasaatinik suliaqarnermut annertuumik ilisimasaqarpoq. Tamakku saniatigut Christian Motzfeldt siulersuisuni suliaqarnermut misilittagaqarluartuuvoq.

Tamatuma kingorna siulersuisut ukuninnga inuttaqalerput:

  • Christian Motzfeldt (siulittaasoq)
  • Mogens Nathansen
  • Aviâja Lyberth Lennert
  • Vita Motzfeldt