Sinerissap qanittuani qaleralittassiissutit pillugit

 

Naalakkersuisut 24. september 2013 ataatsimiinnerminni Qeqertarsuup Tunuani, Uummannami Upernavimmilu sinerissap qanittuani qaleralinniarnermut tunngatillugu  makku aalajangerpaat:

-       Aqutsivimmi Qeqertarsuup Tunuani misileraalluni aalisarneqartussatut pisassiissutit 700 tonsiusut naliginnaasumik pisassiissutinngortinneqassasut nalinginnaasumillu piumasaqaatit allaavigalugit Qeqertarsuup Tunuani tamarmi aalisarneqarsinnaanngorlugit.

-       Pisassiissutit umiatsiaaqqanit 6 meterimit mikinerusunit kisimik aalisarneqarsinnaassapput.

-       Qaammatikkaaraluni agguaassineq attatiinnarneqassaq, agguaassat ataaniittut takukkit:

  • September: 200 tons
  • Oktober: 200 tons
  • November: 200 tons
  • December: 100 tons

-       Qaammatikkaartumik pisassiissutit tamakkerlugit aalisarneqarsimatinnagit sinneruttut qaammammut tullermut nuunneqarsinnaassapput.

-       Aqutsiveqarfinni Uummannami Upernavimmilu qaleralittassiissutit aqutsivinni  marluusuni tamarmik immikkut 150 tonsinik amerlineqassapput.

-       Pisassiissutit amerlissutaat umiatsiaaqqanit 6 meterinit mikinerusunit taamaallaat aalisarneqarsinnaassapput.

-       Pisassiissutit amerleriaataat 150 tonsiusut piffini pineqartuni qaammatikkaartumik aalisarneqarsinnaassapput, qaammatikkaartumik agguaasineq ataaniittoq takujuk:

  • 25. septemberimit 31. oktoberimut: 100 tons
  • November: 50 tons

Erseqqissaatigineqassaaq pisassiissutit siuliani saqqummiunneqartut 2013-ip naanissaata tungaanut pisassiissutaammata. 2014-imi sinerissap qanittuani qaleralinniarnerup pissusissamisoornerpaamik pilersaarusiorneqarnissaa anguniarlugu aalajangerneqarpoq qaleralinnianit tamanit ilaasortaaffigineqartussamik suleqatigiissitamik pilersitsisoqassasoq, taassuma isumagissallugu 2014-imi qaleralinniarnissat pillugit tamakkiisumik inassuteqarnissaq.

Naalakkersuisut tassunga tunngatillugu erseqqissaatigissavaat nunatta sinnerani aalisarnermut tunngasut suliassat salliutillugit massakkumiit aallunniarneqalermata.   

Annertunerusunik apeqqutissaqartoqaruni Aalisarnermut, Piniarnermut Nunalerinermullu Naalakkersuisoqarfik attavigineqarsinnaavoq oqarasuaat: 34 50 00 mail-ikkulluuniit: apnn@nanoq.gl