Qaaqqusissut

Aningaasaqarnermut Siunnersuisoqatigiit Nalunaarusiaata 2013-ip saqqummiunneqarnera

Marlunngornermi 10. september 2013 nal. 15:30 Namminersorlutik Oqartussat tusagassiorfinnik katersortitsisarfianni 2013-imi nalunaarusiaq pisortatigoortumik saqqummiunneqassaaq.

Ukiut tamaasa Aningaasaqarnermut Siunnersuisoqatigiit aningaasarsiornikkut pissutsini ilimagisat aamma pisortat aningaasaataat nalilersortarpaat. Taassuma saniatigut immikkut Inuit nuuttarnerat 2013-mi sammivaat.

Aningaasarsiornermut Siunnersuisoqatigiit 2009-mi Naalakkersuisunit pilersinneqarput nalunaarusiarlu pineqartoq siunnersuisoqatigiit nalunaarusiaasa sisamaraat.

Aningaasarsiornermut Siunnersuisoqatigiit siulitaassuuffimmit arfinilinnik inuttaqartumit aqunneqarput. Siulersuisut ukunannga inuttaqarput: Siulittaasoq Torben M. Andersen, Aarhus Universitetiani professori, Siulittaasup tullia Ulla Lynge, Sermersuumi Inuussutissarsiornermut Siunnersuisoqatigiinni pisortaq, Anders Møller Christensen, Nationalbanken-imiit, Tønnes Berthelsen, KNAPK-miit, Søren Bjerregaard, Danmarkimi Aningaasaqarnermut aamma Nunamut Namminermut Ministereqarfik kiisalu Anders Blaaberg, Kalaallit Nunaanni Naatsorsueqqissaartarfik.

Siulersuisut saniatigut Aningaasaqarnermut Siunnersuisoqatigiit soqutigisaqaqatigiiffinnit, Naalakkersuisut allaffissornikkut aqutsisuinit aamma ilisimatusarnermut suliffeqarfinnit ilaasortaaffigineqarput. Ilaasortat, kattuffinnit aamma ilisimatusarnermik suliffeqarfinneersut amma ilisimatusarnermik suliffeqarfinnit pineqartunit toqqarneqartarput. Ilaasortat sinneri Naalakkersuisunit toqqarneqartarput. Siunnersuisoqatigiinni ilaasortat nalunaarusiap imaanut oqaaseqaateqarsinnaapput, kisianni siulittaasoqarfimmi ilaasortat kisimiillutik nalunaarusiap imassavianut akisussaasuupput. Paasissutissat sukumiinerusut uani atuakkit.