Tikaagullinniarnermi agguaasseqqinneq

Ataatsimoorluni tikaagullinniarnermi pisassiissutinik agguaasseqqinneq

Aalisarnermut, Piniarnermut Nunalerinermullu Naalakkersuisoqarfiup KNAPK aamma KANUKOKA peqatigalugit Kitaani tikaagullittassiissutinit aamma qipoqqartassiissutinit sinneruttuusinnaasut tamaasa ukiuni qaammatisiuteqarfiusuni tamani kingusinnerpaamik 1. septemberimi agguaateqqinneqartarnissaat isumaginissaat aallarnisartussaavaat, Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 4, 7. februar 2013-imeersumi § 8 naapertorlugu.

Aalisarnermut, Piniarnermut Nunalerinermullu Naalakkersuisoq piniarnermi killiffik aamma pisassiinissaq pillugu ataatsimiisitaq isumaqatigiilluni inassuteqaataa tunngavigalugu aalajangerpoq, Kalaallit Nunaata kitaani ataatsimoorluni tikaagullittassiissutinik 12. september 2013-imiit atuutilersumik agguaasseqqittoqassasoq. Agguaasseqqinnissamut ulluliussaq sioqqullugu piniarneq tamarmi inerteqqutaavoq aamma aatsaat aallarteqqinneqarsinnaalluni, najukkami aalisartut piniartullu peqatigiiffiannik tusarniaasoqareerpat aamma nutaamik agguaaseqqinneq tamanut nalunaarutigineqareerpat.

28. december 2012-imi aamma 22. februar 2013-imi tusagassiorfinnut nalunaarutini, Kitaani ukiumut tikaagullinnik pisassiissutit 178-it pillugit ilisimatitsissuteqartoqarpoq. Tikaagulliit 45-it ataatsimoorluni piniarnermi aamma qamutilinnik tuukkartalinnik piniarnermit 133-it pisassiissutinit pisarineqarsinnaasut pisassiissutigineqarput. Tunumi pisassiissutit tamakkerlugit 12-iupput.

Ulloq 1. september Kitaani tikaagullit 32-it ataatsimoorluni piniarnermi aamma qamutilinnik tuukkartalinnik piniarnermit tikaagulliit 42-it pisarineqarput, tassalu pisassiissutinit 13-it aamma 91-it sinnerupput. Tunumi tikaagullik ataaseq pisarineqarsimavoq pisassiisutit 11-nik sinneqalerlutik.

Agguaasseqqinneq imatut kinguneqarpoq:

Qamutilinnik tuukkartalinnik piniarnermit pisassiissutinit kitaani ukununnga agguaanneqarput:

  • Qaasuitsup kommunia 4-nik pisassinneqarpoq
  • Qeqqata kommunianut pisasseeqqittoqarani
  • Kommuneqarfik Sermersooq (kitaani) 3-nik pisassinneqarpoq aamma
  • Kommune Kujalleq 5-nik pisassinneqarluni
    tikaagullittassat najukkami aalisartut piniartullu peqatigiiffii isumasioqatigalugit kommuunit iluminni agguaateeqqitassaat; taamalu ataatsimoorluni piniarnermi 2013-imi pisassiissutit katillugit 57-it aamma qamutilinnik tukkaartalinnik piniarnermit pisassiissutit 121-iupput.
  • Ulloq 10. september ataatsimoorluni piniarnermit pisassissutinit sinneruttut tamarmik immikkut Qaasuitsup kommuniata, Qeqqata kommuniata, Kommuneqarfik Sermersuup (kitaani) aamma Kommune Kujalleq taamatut iluini tamani immikkut naatsorsuussaapput, taamalu kommunit namminneq iluminni najukkami aalisartut piniartullu peqatigiiffii isumasioqatigereerlugit agguaasseqqinnissaminnut periarfissaqarput.
  • Ulloq 10. september ataatsimoorluni piniarnermit pisassiissutinit sinneruttut Kommuneqarfik Sermersuup (tunumi) nammineq iluminni immikkut aqutsiveqarfimminni marluusuni pisassariinnassavaat.

Ilanngussaq: 10. september 2013-imi Kalaallit Nunaata kitaani tunuanilu ataatsimoorluni tikaagullinniarnermi pisanut killiffik.

10. september 2013-imi ataatsimoorluni tikaagullinniarni pisanut killiffik:

Pisanik nalunaaruteqartarnerni pisanut paasissutissat makku, APNN-ip 10. september 2013-imi tigusimasai tunngaviupput. Taamaattumik taakku nalunaaruteqartarnernik ataasiakkaanik APNN-imut suli apuutinngitsunik peqarsimasinnaanera eqqarsaatigeqquneqarpoq.

Ataatsimoorluni tikaagullinniarneq, Kitaa

 

Kitaani tikaagulliit Pisat  Pisassiissutit Pisassiissutit sinneri
Qaanaaq 0 1 1
Upernavik 5 5 0
Uummannaq 5 6 1
Qeqertarsuaq 3 3 0
Ilulissat 2 2 0
Qasigiannguit 0 1 1
Aasiaat 4 4 0
Kangaatsiaq 3 4 1
Sisimiut 2 3 1
Maniitsoq 1 3 2
Nuuk 3 3 0
Paamiut 2 3 1
Narsaq 2 2 0
Qaqortoq 2 2 0
Nanortalik 1 3 2
Total 35 45 10

 

Ataatsimoorluni tikaagullinniarneq, Tunu

Tunumi tikaagulliit Pisat Pisassiissutit Pisassiissutit sinneri 
Ittoqqortoormiit 0 4 4
Ammassalik 1 8 7