Ujarassiorit pillugu tusarnaagassiaq

Kalaallit Nunaanni ujaqqanik misissugassanik unammisitsisarneq ”Ujarassiorit” ukiuni 25-ini ingerlanneqartareerpoq. Unammisitsinermi inuit ujarassiornermik soqutigisaqalernissaat aamma ujarassiuutut ilisimasatigut nutaanik paasissutissanik pilersitsinissaa siunertaalluni.

Ujarassiornermik soqutigisaqalerlaaq, Nuummioq Aggu Christensen ujarassiortarnerminik aallakaatitassiami oqaluttuarpoq aamma Ujarassiooq Jonas Petersen ujaqqanik misissugassanik unammisitsinermut Ujarassiorimmut nassiussanik misissuisoq apersorneqarpoq, Nuna Mineralsimi pisortaq Ole Christiansen unammisitsisarnerup sunniutai pillugit apersorneqarpoq naggataatigullu Inuussutissarsiornermut Aatsitassanullu Naalakkersuisoq Jens-Erik Kirkegaard killiffik pillugu apersorneqarluni.

Inuussutissarsiornermut Aatsitassaqarnermut Suliffeqarnermullu Naalakkersuisoqarfimmi paasissutissiisartoq Oline Inuusuttoq Olsen aallakaatitassiamik aaqqissuisuuvoq.

Ujarassiorit pillugu tusarnaagassiaq uani tusarnaaneqarsinnaavoq