Pisortaq atorfinitsinneqartoq

Jørgen Isak Olsen Naalakkersuisut ulloq 20. september 2013 ataatsimiinnerminni aalajangerpaat atorfinitsitsinissamut atatillugu ataatsimiititaliap innersuussutaa malissallugu, taamaasillunilu pisortaanerugallartoq Jørgen Isak Olsen (43) Aalisarnermut, Piniarnermut Nunalerinermullu Naalakkersuisoqarfimmi pisortatut atorfinitsinneqarpoq.

Jørgen Isak Olsen kingusinnerpaamik 1. oktober 2013 Aalisarnermut, Piniarnermut Nunalerinermullu Naalakkersuisoqarfimmi pisortatut sulilissaaq.

Jørgen Isak Olsen pisortani sulilerpoq 1996-mi, Akileraartarnermut Pisortaqarfiusimasumi kingorna Akileraartarnermut Aqutsisoqarfinngortumi sulereerluni Aalisarnermut, Piniarnermut Nunalerinermullu Naalakkersuisoqarfimmi 2009-miit sulilerpoq, tassani immikkoortortami pisortatut pisortamullu tullersortitut 2009-miit sulisimalluni.