Eqqortumik oqaluppunga

All. Aleqa Hammond, Naalakkersuisut Siulittaasuat

 

Atuagagdliutit/AG pingasunngornermi 25. september saqqummersoq allaaserisaqarpoq ”Aleqa, salluvutit”-imik qulequtsikkamik.

Siullertut sallertullu qulequtsiussaq allaaserisarlu imminnut ataqatigiinngillat. Tassami oqallinnerup nalaanni ataasiamilluunniit oqaatiginngilara London Miningimik isumaqatigiissut tamakkiisoq atsiorneqarsimasoq.

Namminersorlutik Oqartussat London Miningillu akornanni isumaqatiginninniarnerit ajunngitsumik pitsaasumillu ingerlanneqarsimapput sulilu ingerlanneqarlutik. Immikkoortut pingaarnerusut naammassillugit isumaqatiginniutigineqareerput, amigaataasullu tassaapput immikkoortut ataasiakkaat teknikkimut tunngassuteqarnerusut. Tamakku soorunami naammassineqaqqaartariaqarput piiaanissamut akuersissut tamakkiisoq atsiorneqartinnagu.

Naalakkersuisut naatsorsuutigaat tamanna piffissami qanittumi pisinnaajumaartoq.