Inunnut tunngasut

Suliat inunnut tunngasut Naalakkersuisut Siulittaasuata oqaaseqarfigineq ajorpai

Suliat inunnut tunngassuteqartut oqaaseqarfigineqarnissaat siunertaralugu ataani atsiortumut tusagassiuutit suli saaffiginnittarnerat tunngavigalugu erseqqissaatigeqqissavara, suliat ataasiakkaat sulisunut tunngassuteqartut Naalakkersuisut Siulittaasuata oqaaseqarfigisinnaanngimmagit.

Taamaammat taamatut suleriaaseqarnermut tusagassiuutit paasinninnissaannik kajumissaarpakka.

Inatsisartunut ilaasortat paasissutissanik pisortanut tunngassuteqartunik Naalakkersuisunut apeqquteqarlutik pissarsiniartarnerat ataqqilluinnarpara, Naalakkersuisullu pisussaapput tamanna aqqutigalugu paasissutissanik eqqortunik tunniussinissamut.

Uannut pingaaruteqarpoq uteqqissallugu, politikkikkut suliaqarnerminni malittarisassat, suleriaatsit inatsisillu atuuttut malillugit Naalakkersuisut sulimmata.

Atorfinitsitsisoqassatillugu, aamma kiap atorfinitsinneqarnissaanik innersuussisartoq ataatsimiititaliaq aqqutigalugu, inatsisitigut malitassat apeqquserneqarsinnaannginnerat qulakkeerniarlugu Naalakkersuisut sulissapput.


Inussiarnersumik inuulluaqqusillunga

Aleqa Hammond, S
Naalakkersuisut Siulittaasuat