Aningaasaateqarfimmut qinnuteqaqqusissut 2013

Kalaallit Nunaanni Avatangiisinut Aningaasaateqarfimmut qinnuteqaqqusissut 2013

Kalaallit Nunaanni avatangiisinut, uumasunut pinngortitamullu tunngassuteqartunik suliaqaruit ukiumoortumik aningaasat tunniunneqartartunut qinnuteqarsinnaavutit.
Aningaasaateqarfiup Kalaallit Nunaanni avatangiisit, uumasut pinngortitallu piujuartinnissaannik inuillu peqqissumik oqimaaqatigiissumillu ingerlatsinissaannik suliaqartut tapersersortarpai. Taamatuttaaq Kalaallit Nunaanni avatangiisinik isumannaarinninnissamik eqqumaarinniffiginninnerulersitsisartut tapersersortarlugit.
Aningaasaateqarfimmut qinnuteqaatip imarissavai:

  • suliniutip qinnuteqaatigineqartup allaaserineqarnera, ilanngullugu suliniut aningaasaateqarfiup siunertaanik qanoq eqquutitsinersoq,
  • missingersuutit sukumiisut aningaasaliisut allat pillugit paasissutissat imarisinnaallugit,
  • Kalaallit Nunaanni Avatangiisinut Aningaasaateqarfimmit qanoq annertutigisut qinnutigineqarnersut paasissutissiissutigineqassaaq,
  • aningaasat tunniunneqartut aningaasaateqarfiup siunertaanut naapertuuttumik atorneqarnerannut aningaasaateqarfiup siulersuisuinut akisussaasuutigaluni attaveqaataasussap aqqa, najugaa, oqarasuaatip normua kiisalu e-mailia pillugit paasissutissat,
  • kontonormu tapiissutinik ikisiffissaq.

Qinnuteqaatit nassiunneqassapput uunga

Ieqarnermut, Pinngortitamut Avatangiisinullu Naalakkersuisoqarfik,
Postboks 1614,
3900 Nuuk.
Nalunaaqutserlugu: Kalaallit Nunaanni Avatangiisinut Aningaasaateqarfik.

Qinnuteqaat aamma uunga nassiunneqarsinnaavoq: ipan@nanoq.gl

Qinnuteqarnissamut killissaliussaq: 1. Oktober 2013

Inussiarnersumik inuulluaqqusilluta
Kalaallit Nunaanni Avatangiisinut Aningaasaateqarfimmi siulersuisut