Karl Lyberthip kujataani angalanissaa

Aalisarnermut piniarnermut nunalerinermullu naalakkersuisoq Karl Lyberth kujataani angalassaaq ulluni 20. aug. -26. aug, 2013. Siullermik Narsarsuarmi nunani avannarlerni killerni ataatsimiitsitaliap, nunani avannarlerni ataatsimiitsitaliap, stortingep folketinngillu ataatsimeersuarneranni Narsarsuarmi pisussami ammaanersiorluni oqalugiassaaq 22. aug. Tassani qulequtaassaaq Atlantikup avannaani immap pissarititaanik atuinermi paaseqatigiinneq. Kingorna Qaqortumi Food Festival ammaanersiornerani oqalugiarfigissallugu 24.aug. Tassani nerisassioriaaseq sammineqassaq.