Ullumikkut qimmiutit oqaloqatigaajuk?

Kalaallit Nunaanni Uumasut Nakorsaqarfia Inuussutissalerinermullu Oqartussaqarfiup (UNIO) qimmit suli annertunerusumik sammilerpai Qulequtarineqartoq immaqa annikitsumik saasaarutaagunarpoq, immaqali oqariartuutigineqartoq paasiuminarluinnartuuvoq. Tatiginartumik ataqqinnittumillu qimmiuteqassaguit tassunga piffissaq atortassavat. Tamanna atuuppoq qimmeqaraluaruit imaluunniit qimuttunik qimmeqaraluaruit. Qimmivit paarilluarneqartarnissaa illit akisussaaffigaat, qimmeqarnerlu imaaginnanngilaq nerisittassallugu imertitassalugulu. Qanoq iliuuseqartarnissaa taamaliortannginnissaalu ilinniartitsissutigineqartassapputtaaq.

Qimmit tupinnaannartumik ilinniartikkuminartuupput piginnitsitillu nuannaartikkumasarlugit, siullermilli qanoq iliortarnissaat illit ilinniartitsissutigissavat. Qimmeq naalakkumanngikkaangat tamanna tamatigut inuit pisuussutigisarpaat, taamaalilluta qimmip sumik piumasaqarfigineqartarnissaanut uagut pikkorippallaarsimassanngilagut. Taamatuttaaq qimmit paasilluartarnissaat isumassorneqartarnissaallu tamatigut akisussaaffigisussaassavarput.

UNIOp 2013-imi qimmit immikkut sammilluartarumaarpaa. Aallarnisarneq majip qaammataani ingerlanneqalerpoq, tamatumani perlerortarneq immikkut sammineqarluni. Maannakkut pingaartinniarneqartut tassaapput qimmit, perorsaaneq, nappaatit pingaarnerusumillu: Qimmertaannginninni sunik eqqarsaateqartariaqartarnissat!
www.sullissivik.gl -imi qimmit pillugit paasissutissanik assigiinngitsunik pissarsisinnaavutit.
Qimmiuteqarluni taassaanngitsumik nuannerluinnartuuvoq. Taakkua uumasuupput ilakkuminarlutillu qiimasut. Taamaattumik pingaaruteqarluinnartuuvoq taakkua najortassallugit, taamaalillutik inunnik tatiginnittuuniassammata ajunngitsuussallutillu. Qujagisaagaluarpata qimmiuppataluunniit qimuttut, uagut paarisaraavut tamannalu pisussaaffiliivoq! Ullut tamaasa!

Atortussat www.sullissivik.gl -imiittut qimmiutilik ajutoornerit, perorsaanerit pingaarutillillu allat pillugit pingaarutilinnik paasissutissiissuteqarput. Taakkuupput qimmiutilinnut tamanut paasissutissat naleqquttut.
Kalaallit Nunaanni qimmit ilamininngui qujagisatut uumasuutigineqartarput. Qimmit amerlanerit qimuttutut atorneqartarput. Qimuttunik pigisaqarnissaq annertuumik sulisarnissamik pitsaasumillu peqarnissamik piumasaqaateqartitsivoq. Inuit qimmillu suleqatigiittussaapput, tamannalu tatiginninnissamik piumasaqaateqartitsivoq. Tatiginninneq tamanna peqatigiinnikkut ineriartortinneqassaaq, taamaattumik qimmiutit oqaluuttaruk!

Inussiarnersumik inuulluaqqusillunga

Uumasut Nakorsaqarfia Inuussutissalerinermullu Oqartussaqarfik (UNIO)