Uummannami umiatsiaaraq atorlugu qaleralinniarneq unitsinneqarpoq

Sinerissap qanittuani aqutsiveqarfimmi Uummannami umiatsiaaraq atorlugu qaleralinniarneq unitsinneqarpoq

Matumuuna nalunaarutigineqarpoq aqutsiveqarfimmi Uummannami sinerissap qanittuani umiatsiaaraq atorlugu qaleralinniarneq pingasunngorpat 14. august unitsinneqassammat, Uummannami umiatsiaaraq atorlugu qaleralinniarnermi pisassat tamakkerneqalermata.
Ulloq 14. august 2013 taamatut aamma umiatsiaaqqanut tunitsiviussaaq kingulleq.

Ilisimatitsissutigineqarsinnaavoq angallatinut miiterit arfinillit qaangerlugit angissusilinnut pisassiissutit sinneri imaammata:
Upernavimmi 2.588 tons
Uummannami 992 tons
Qeqertarsuup Tunuani 1.747 tons

Annertunerusumik paasisaqarusukkuit:

Pisortap tullia
Niels J. Laursen
Kalaallit Nunaanni Aalisarsinnaannermut Akuersissutinik Nakkutilliisoqarfik
Tlf. nr. +299 34 50 00
E-mail: nijl@nanoq.gl