Piiaanissamut akuersissutit pillugit paasissutissat

Annikitsumik piiaanissamut akuersissutit pillugit paasissutissat

Annikitsumik piiaanissamut akuersissutit assigiinngitsut marluk pillugit paasissutissat naliginnaasut maanna pissarsiassaalerput. Kalaallit Nunaanni inersimasut ikinnerpaamik ukiuni tallimani kingullerni akileraartarsimasut aatsitassanik annikitsumik piiaanissamut akuersissutinik qinnuteqarsinnaapput.

Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmit paasissutissat suliarineqarput, taakkualu www.naalakkersuisut.gl –imi takuneqarsinnaapput.

Annikitsumik piiaanissamut akuersissutit assigiinngitsut marluupput, aatsitassanik radioaktiveunngitsunut kisermaassisisinnaatitaaffeqarluni piiaanissamut akuersissut imaluunniit kisermaassinertaqanngitsumik annikitsumik piiaanissamut akuersissut. Akuersissummik pigisaqanngikkaluarluni suut aatsitassat katersorneqarsinnaanersut paasissutissani aamma allaaserineqarput. Piumasaqaatit immikkuualuttut aamma akuersissummik qinnuteqaatit www.sullissivik.gl –imi pissarsiarineqarsinnaapput.

Annikitsumik piiaanissamut akuersissutit pillugit aalajangersakkat aatsitassanut inatsimmi allannguutai ilanngullugit atuutinneqartumi takuneqarsinnaapput, inatsit www.inatsisit.gl –imi ujarneqarsinnaavoq, taannalu saqqummersinneqarpoq decemberip 18.anni 2012-mi.

Annikitsumik piiaanissamut akuersissutit pillugit paasisaqarnerorusukkuit siunnersorneqarlutilluunniit, aqutsisoqarfimmi pisortaq Jørgen T. Hammeken-Holm attavigiuk uunga: +299 34 68 46 imalt. bmp@nanoq.gl

Paasissutissat uani takukkit