Palle kukkusumik oqaluppoq

Nick N 040613

Ilinniartitaanermut Naalakkersuisup, Nick Nielsenip, siulimi Palle Christiansenip ullup qeqqanut radioavisimi 2014-imut aningaasanut inatsisissatut siunnersuummi ilinniartitaanermut sanaartukkanut aningaasat immikkoortinneqartut pillugit oqaaseqarnera paasiuminaatsippaa.

 

Ilinniartitaanermut Naalakkersuisup, Nick Nielsenip, siulimi Palle Christiansenip ullup qeqqanut radioavisimi 2014-imut aningaasanut inatsisissatut siunnersuummi ilinniartitaanermut sanaartukkanut aningaasat immikkoortinneqartut pillugit oqaaseqarnera paasiuminaatsippaa.

”2013-imut aningaasanut inatsit attuuttoq 2014-imut aningaasanut inatsisissatut siunnersuummut sanilliukkaanni Palle Christiansenip oqaasii eqqunngillat.

2013-imut aningaasanut inatsimmi ilinniartut inaannik 2013-imi tamassumalu kingorna sanaartornermut katillugit 37,9 mio.kr. immikkoortinneqarnikuupput, 2014-imullu tamassumalu kingorna aningasanut inatsimmi siunertamut tassunga 60 mio.kr. immikkoortinneqarnikuullutik.

Ilinniartitaanermut sanaartornerit allat isigigutsigit 2013-imut tamassumalu kingorna katillugit 40 mio.kr. immikkoortinneqarnikuupput, taavalu aningaasanut inatsisissatut siunnersuummi 115 mio.kr.-t sanaatornermut aningaasartuutissatut siunnersuutigineqarlutik.

Naalakkersuisuni aamma isumaqatigiissutaavoq ukioq manna isertitassatut siumut ilimagineqanngitsut ilinniartitaanermut sanaartornermut atorniarneqassasut.

Ilinniartitaanermut suliniutit pingaaruteqassusiat Inatsisartuni partiit akornanni aamma isumaqatigiissutaavoq, taamaammat siunissami taamatut tusagassiuutini ajortitsiniaanata pissusiviit tunngavigalugit tassani siunissami oqallittarniarta”.

 

Paasisaqarnerorusukkaanni attavigineqarsinnaavoq naalakkersuisumut allatsi Bent Møller, Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfik; oqarasuaat: +299 54 84 59.