Aalisarneq pillugu

KL pressemoede top 180613

 

Aalisarnermut, piniarnermut nunalerinermullu Naalakkersuisoq Karl Lyberth  Avannaani Qeqertarsuup Tunuani qaleralittassat tamakkerlutik pisarineqareerneranut tunngatillugu imaattumik nalunaarpoq:

- Naalakkersuinikkut maanna suliniuteqartoqarpoq piniartut aalisartullu atugaanik pitsanngorsaataasussanik.

- Tamatumani umiatsiaararsortunut anginerusunillu angallataatilinnut suliniutit ilaat makkuupput: Ukiumut pisassanik ukiup naanginnerani nunguutsisaqattaartarnerup qaangerniarneqarnissaa, taamaasilluni ukioq kaajallallugu ataavarnerusumik aalisartut aalisarsinnaalerniassammata.

- Matumani pingaartitaavortaaq nunatsinni aalisakkat assigiinngitsut atorluarneqarnerunissaat. Qeqertarsuup Tunuani aalisakkat allat aamma pisuussutaapput atorluarneqarsinnaasut, soorlu saarulliit, qeeqqat suluppaakkallu.

- Royal Greenland-ip suliffissuaataanut Ilulissaniittumut aalisakkat pineqartut tunineqarsinnaammata qaleralinniarnerup ammaqqinnissaata tungaanut umiatsiaararsortunut periarfissap tamatuma atorluarneqarnissaa kissaatiginarpoq, suliffissuarmi suliassaqartitsiniarneq aamma eqqarsaatigalugu.

Annerusumik paasisaqarumagaanni attavissaq:

Kistâra Motzfeldt Vahl, Naalakkersuisumut allatsi, mobil: 48 5873