Misileraalluni qaleralinniarneq

Stemningsbillede

2013-imi Qeqertarsuup Tunuani misileraalluni qaleralinniarneq

Naalakkersuisut ulloq 22. august 2013 ataatsimiinnerminni aalajangerpaat, sumiiffimmi aqutsivigineqartumi Qeqertarsuup Tunuani 700 tonsinik misileraalluni qaleralittassiisoqassasoq. Pisassiineq taamaallaat umiatsiaaqqanut miiterit arfinillit inorlugit angissusilinnut naatsorsuussaavoq, aalisarnerlu taamaallaat immap assingani ilanngullugu nassiunneqartumi sumiiffinni 1, 4 aamma 5-imi pisinnaavoq.

Sumiiffimmi aalisagaqassutsimut sanilliullugu sumiiffinni allani misileraalluni aalisarnerup annertunerusumik paasissutissanik pissarsiffiunnginnissaa nalilerneqarpoq. Aalisarfiit killilersorneqarnerinut sanilliullugu sumiiffiit 1, 4 aamma 5 imatut killeqarput:
1: LN 21 aamma 22, LP 21 aamma 22, LR 21 aamma 22 kiisalu LS 21
4: LD 20 aamma 21 kiisalu LE 20 aamma 21
5: LE 18 aamma 19, LF 18 aamma 19, LG 18 aamma 19 kiisalu LH 18 aamma 19

Misileraalluni pisassiineq 700 tonsit 2013-ip sinneranut taamaallaat atuutissaaq ataanilu agguataarineq malillugu qaammatikkuutaartumik agguaanneqassalluni:

Septemberi: 200 tonsit
Oktoberi: 200 tonsit
Novemberi: 200 tonsit
Decemberi: 100 tonsit

Misileraalluni aalisarnermi Pinngortitaleriffik qanimut suleqatiginissaa piumasaqaataavoq. Aamma aalisarneq tamaat aalisarnermi immersugassat immersorneqarnissaat piumasaqaataavoq. Ilanngullugu saniatigut pisat tamarmik nalunaarsorneqassapput nunamullu tulaanneqassallutik. Naggataatigut Pinngortitaleriffik suleqatigalugu qaleralinnik misissugassanik peersisoqartassaaq.




Ilanngussaq: Nalunaarummi sumiiffiit taaneqartut immap assingani takuneqarsinnaapput.