Pisassat qaffannerat

Upernavimmi Ummannamilu sinerissap qanittuani qaleralittassat qaffanneqarnerat

Naalakkersuisut ulloq 22. august 2013-imi ataatsimiinnerminni aalajangerput sumiiffinni aqutsivigineqartuni Upernavimmi Uummannamilu immikkut 1.000 tonsinik qaleralittassaat qaffanniarlugit. Pisassiissutinik qaffannerit agguaasseriaaseq atuuttoq malillugu umiatsiaaqqanut angallatinullu miiterit arfinillit qaangerlugit angissusilinnut agguaanneqassapput.

Uummannaq:

Pisassiissutinik qaffaaneq:  1.000 tonsit 
Pisassiissutinik qaffaaneq: Umiatsiaararsortunut: 621 tonsit (pisassiissutinit 62,09%-it)  
Pisassiissutinik qaffaaneq: Angallatinut miiterit arfinillit qaangerlugit angissusilinnut. 379 tonsit  

Upernavik:

Pisassiissutinik qaffaaneq:  1.000 tonsit 
Pisassiissutinik qaffaaneq: Umiatsiaararsortunut: 485 tons (pisassiissutinit 48,52%-it)
Pisassiissutinik qaffaaneq: Angallatinut miiterit arfinillit qaangerlugit angissusilinnut. 515 tonsit  

Naalakkersuisut aalajangerput umiatsiaaqqanut pisassiissutinik qaffaanermi pisassaat ukiup 2013-ip sinnerani qaammatikkuutaarlugu agguaanneqassasut. Ataani takussutissiaq naapertorlugu agguaassisoqassaaq:

Uummannaq:
Umiatsiaararsortunut pisassissutit 621 tonsiusut imatut agguaanneqassapput:

Septemberi  Oktoberi  Novemberi Decemberi 
 200 tonsit  200 tonsit 170 tonsit 51 tonsit


Upernavik:
Umiatsiaararsortunut pisassissutit 485 tonsiusut imatut agguaanneqassapput:

Septemberi Oktoberi Novemberi Decemberi
160 tonsit 175 tonsit 100 tonsit 50 tonsit

Qaffaanerup matuma ilisimatuut sumiiffunnut siunnersuutaannik sippuimmat, aalisagaqassutsip piujuaannarsinnaaneranut sanilliullugu mianernartorsiortitsivoq. Taamaattumik Aalisarneq pillugu Siunnersuisoqatigiit Aalisarnermut, Piniarnermut Nunalerinermullu Naalakkersuisoqarfimmut inassuteqaatigaat mianersortumik periuseqarluni iliuuseqartoqassasoq. Tamanna isumaqarpoq, Upernavimmi Uummannamilu qalerallit angissusaat agguaqatigiissillugu minnerulissappat, taava Naalakkersuisut ilisimatuut aallaqqaataaniit siunnersuutigisaat malissagaat.

Apeqquteqartoqassappat Aalisarnermut, Piniarnermut Nunalerinermullu Naalakkersuisoqarfik attavigineqarsinnaavoq oqarasuaat: 34 50 00 imaluunniit e-mail: apnn@nanoq.gl