Pisortaq nutaaq

Aningaasaqarnermut Nunamullu Namminermut Naalakkersuisoqarfimmi pisortassaq nutaaq atorfinitsinneqarpoq

Aningaasaqarnermut Nunamullu Namminermut Naalakkersuisoqarfimmi pisortatut Carsten Frank Hansen kingusinnerpaamik 1. oktober 2013-imi atorfinitsinneqassaaq.

 

Carsten Frank Hansen Kalaallit Nunaanni inunngorlunilu peroriartorpoq nunatsinnilu ukiut 20-t sinnerlugit najugaqarnikuulluni. Carsten Frank Hansen suliffeqarfinni aningaasarsiornikkut ingerlataqartuni sulisimavoq, ilaatigullu Pengeinstitutternes HD-itut CV’eqarluni.

 

Carsten Frank Hansen 2012-ip tungaanut Andelskassen Fyn-imi områdedirektøritut atorfeqarsimavoq, tamatumalu kingorna Greentop Greenland ApS-imi direktøritut atorfeqarsimalluni.

 

Carsten Frank Hansen 44-nik ukioqarpoq Lene Thomsenilu inooqatigalugu marlunnillu paneqarlutik 16-inik 11-nillu ukiulinnik.

 

Vittus Qujaukitsoq oqarpoq: ”Carsten Frank Hansenimik suleqateqarnissara qilanaaraara suliffeqarfinnilu aningaasarsiornikkut ingerlataqartuni sulisimaneranit misilittagai pilersaarusiorsinnaassusaalu atorluarsinnaassallugit.  Qularutiginngilara Carsten misilittakkani aallaavigalugit pisortat aningaasaataasa aqunneqarnissaanut nunattalu nammineq nappassinnaasaminik aningaasatigut pilersornerulernissaa anguniarlugu ineriartortitsinermi ikorfartuilluarsinnaassasoq.”

 

Aningaasaqarnermut Nunamullu Namminermi Naalakkersuisoqarfimmi pisortatut atorfimmut inuit arfineq marluk qinnuteqarsimapput.