Meeqqat atuartut iPaditaarnissaat Naalakkersuisut tapersersorpaat

 

KNR-ip nittartagaani juulip 9-ani borgmester Herman Berthelsen Naalakkersuisunut

piumasaqarpoq Qeqqata Kommuniani Kommune Kujallermilu suliniutinut taperseeqqullugit, tassanilu pineqarluni kommuneni taakkunani meeqqat atuartut tamarmik aningaasaateqarfimmit Villumfondenimit iPadinik tunineqarniarnerat.

Meeqqat angerlarsimaffimminnit iPaderlutik ullumikkut akigititaasunit akikinnerujussuarmik internetertarnissaat kommunit kissaatigaat.

Naalakkersuisut suliniut tapersersorpaat meeqqallu ilisimasaqarnerulernissaat anguniarlugu suliniutip iluatsinnissaanik qulakkeerinnittussamik Naalakkersuisut aaqqiissuteqarnissaminnut piumassuseqarlutik. Atuisut allat eqqugaavallaannginnissaannik

kinguneqartussamik Naalakkersuisut aaqqiissuuteqarniarput.

-”KNR-ip nittartagaani ilanngutassiaq Naalakkersuisut suliamut iliuuseqanngitsutut ajoraluartumik nittarsaappai. Tamanna eqqunngilaq. Allaffimmiunut misissoqquara inatsisit atuuttut killiliussaasa iluanni suliniut naammassineqarsinnaanersoq,” Steen Lynge, Peqqissutsimut Attaveqarnermullu Naalakkersuisoq oqarpoq.

 

Paasisaqarnerorusukkuit uunga attaveqarit: Peqqissutsimut Attaveqarnermullu Naalakkersuisoq Steen Lynge una aqqutigalugu:  Naalakkersuisoqarfimmi pisortaq Ann Birkekær Kjeldsen oqarasuaat: +299 48 49 15 imaluunniit e-mail: abk@nanoq.gl