Aleqa Hammond Nersornaammik kuultiusumik saqqarmiulerneqarpoq

Formand for Naalakkersuisut Aleqa Hammond modtager Nersornaat


Naalakkersuisut Siulittaasuat Aleqa Hammond, Namminersorlutik Oqartussat Nersornaasiuttagaannik kuultiusumik nersornaaserneqarpoq. Naalakkersuisut Siulittaasuannik nersornaammik kuultiusumik saqqarmiuliisuuvoq Inatsisartut Siulittaasuat Lars Emil Johansen, saqqarmiuliinerlu pivoq Uummannap ukiunik 250-nngortorsiorluni pisortatigoortumik nalliuttorsiutigineqarnerani arfininngornermi 20.juli 2013, Uummannami kommunep allaffiata silataani. Nersornaasiinermut najuupput Uummannarmiut, nalliuttorsiornermut atatillugu immikkut qaaqqusat avataaneersut, Qaasuitsup kommuneani borgmesteri Ole Dorph, kommunalbestyrelsemut qinikkat kiisalu Uummannap nalliuttorsiutigineqarneranut peqataajartorlutik avataaniit nunanillu allanit tikeraartorpassuit.

Aleqa Hammondip Uummannap 250-nngortorsiorluni nalliuttorsiutigineqarnerani oqalugiaataa tusaruk.

Lars Emil Johansenip nersornaammik tunniussinerminut atatillugu oqalugiarnera kiisalu Aleqa Hammondip qujassuteqarluni oqalugiarnera tusaruk.

Nalliuttorsiornermit assilisat.