Naalakkersuisut Siulittaasuat TV-qarfimmit Japanimeersumit apersorneqarpoq

Formand for Naalakkersuisut Aleqa Hammond interviewes ombord på båd

 

Naalakkersuisut Siulittaasuat Aleqa Hammond Japanimi TV-qarfimmit NHK-meersunit TV-kkut aallakaatitassiarineqarpoq, apersuinerlu pivoq Nuummi Naalakkersuisut Siulittaasuata allaffiani kiisalu Nuup kangerluata ilaani 16.juli 2013.

Japanimi TV-qarfimmit filmilioriartortut pingaartumik paaserusuppaat nunatta aatsitassarsiornikkut pisuussutai aatsitassarsiornikkullu ineriartornerup kalaallit inooriaasiannut kulturiannullu sunniutigisai. Naalakkersuisut Siulittaasuata Aleqa Hammondip Japanimi TV-eqarfimmeersunit apersorneqarnermini nunarput nunatsinnilu kalaallit inooriaasiat, inuussutissarsiornikkut atugarisaat, inuussutissarsiornikkut ineriartornerat kiisalu nunanut allanut attaveqarnerat annertusiartuinnartoq oqaluttuarai.

NHK-meersut  Japanimiut TV-qarfiat NHK Tuluit Nunaanni TV-qarfissuarmut BBC-mut assersuuppaat, tusagassiortullu NHK-meersut nunatsinnut qaammammi ataatsimi aallakaatitassioriartornerminni Qaanaaq Ilulissallu aamma tikippaat.