Royal Greenland A/S-p tunisinissamik pilersaarnera

Royal Greenland A/S-ip nioqqutissiorfianik tunisinissamik pilersaarneq Naalakkersuisut taperserpaat

Tysklandimi illoqarfimmi Wilhelmshavenimi Royal Greenland A/S-p nioqqutissiorfiata Royal Greenland Seafood GmbH-p tunineqarnissaanik isumaqatigiissutaagallartoq Naalakkersuisunit taperserneqarpoq.

Naalakkersuisut siulittaasuat, Aleqa Hammond:

- Kalaallit Nunaata aammalu Atlatikup Avannaata annerusumik ukkatarineqarnerulernissaanik Royal Greenland A/S-p siunniussaqarnera Naalakkersuisunit tamakkiisumik tapersersorparput. Kalaallit Nunaata eqqaani Atlantikullu Avannaani aalisakkat allat annerusumik sammineqarnerisigut avammut nioqqutissiassat annertusarneqarnissaannik suliffeqarfiup siunniussaqarnera aamma nuannaarutigaarput.

- Naalakkersuisut aamma tapersersorpaat Royal Greenland A/S-p patajaallisarneqarnerata suli ingerlanneqarneranut atatillugu suliffeqarfiup suliniuteqarnera. Tunisisoqassagaluarpat isertitassat tuffissaminnut tussapput naluneqanngimmammi suliffeqarfiup akiitsuisa suli amerlanerat.

Annerusumik paasisaqarumagaanni attavissaq:
Allaffimmi pisortaq Rasmus Pedersen, Ingerlatseqatigiiffinnut Allattoqarfik, tel. 34 5127.