Villy Søvndalip Kaj L H Johannesenillu ataatsimeeqatiginerat

Naalakkersuisut Siulittaasuata Aleqa Hammondip ataasinngormat 10. juni 2013 danskit Nunanut Allanut Ministeriat Villy Søvndahl aamma Savalimmiuni Lagmandi Kaj Leo Holm Johannesen ataatsimeeqatigai

Ulloq naalagaaffeqatigiinni persuarsiorfiuvoq, Naalakkersuisut Siulittaasuata Aleqa Hammondip ataasinngornermi ulloq 10. juni 2013 danskit nunanut allanut ministeriat aamma Savalimmiuni Lagmandi Lagmandi Kaj Leo Holm Johannesen ataatsimeeqatigimmagit.

Nunanut Allanut Ministerip Naalakkersuisullu Siulittaasuata ataatsimut soqutigisat pillugit oqaloqatigiinnissaminnut periarfissaqarnerat pisumi siullermeerluni pivoq.

Uranimik piiaasoqartalissagunarneranut tunngatillugu Nunanut Allanut Ministeri aamma Naalakkersuisut Siulittaasuat isumaqatigiipput, piiaaneq pissasoq avatangiisit, sillimaniarneq peqqinnissarlu eqqarsaatigalugit kiisalu uranisiornermi nunani tamalaani isumaqatigiissutit atuutsinnerisigut, tassunga ilanngullugu nunani tamalaani periuserineqartut pitsaanerpaat atuutsinnerat.

Ulloqeqqasioqatigiinnermi Danmark, Savalimmiut aamma Kalaallit Nunaata naalagaaffeqatigiit Issittumi Siunnersuisoqatigiiffiani suleqatigiinnera pillugu eqqartuinissaminnut periarfissaqarput. Naalagaaffeqatigiit tamarmiullutik erseqqissarpaat, naalagaaffeqatigiit pingasuusut tamarmik Issittumi Siunnersuisoqatigiinni suleqataanissaat pingaaruteqartoq. Tamannalu pillugu isumaqatigiissutigineqarpoq, pineqartoq pillugu canadamiut siulittaasuutitaqartut nangittumik oqaloqatiginissaat.

Paasissutissanik oqaaseqaatinilluunniit sukumiinerusunik pisariaqartitsisoqaruni, tusagassiornermi ataqatigiissaarisuugallartumut Julie Rademacherimut, oqarasuaat angallattagaq (+299) 54 88 78 imaluunniit mail: jura@nanoq.gl, saaffiginnittoqarsinnaavoq.