Korea Kujalleq nunarpullu

Korea Kujalliup aamma Kalaallit Nunaata suleqatigiinnerat pitsaasoq nukittorsarneqassaaq

Korea Kujalliup aamma Kalaallit Nunaata suleqatigiinnerat nukittorsarniarlugu Kalaallit Nunaanni aatsitassatigut periarfissat pillugit nunat taakku aallartitaat ulluni pingasuni workshoppertinneqassapput, tamannalu Hotel Hans Egedemi nal.16.00 aallartinneqassaaq.

Inuussutissarsiutinut, Aatsitassanut Suliffeqarnermullu Naalakkersuisoq Jens-Erik Kirkegaard Korea kujallermiut aamma qallunaat aallartitaannut tikilluaqqusissaaq.

Korea Kujallermiut aallartitaat tikeraarneq naggaserlugu Maniitsup eqqaani nikkeleqarfimmut pinngoqqaatillu qaqutigoortut sumiiffiinut aamma Qeqertarsuarmi (Storø) gulteqarfimmut angalaartinneqassapput.

Naalakkersuisoq Jens-Erik Kirkegaard:
- Kalaallit Nunaata geologia pillugu workshoppertitsineq Ilulissani 2012-imi paaseqatigiilluni uppernarsaaqatigiinnerup kinguneraa pitsaasoq, taamani isumaqatigiissutigaarput nunatta suleqatigiinnerat ineriartortillugulu nukittorsassagipput pingaartumik uuliamut aatsitassanullu tunngasutigut.

Korea Kujalliup aamma Kalaallit Nunaata aallartitaat tasssaapput naalakkersuisut sinniisui, ilisimatuut aamma atorfilittat taakku Kalaallit Nunaanni Korea Kujallermilu aatsitassanut tunngasuni ilisimasanik, misissuinernik aamma ineriartortitanut tunngasunik paasitinneqassapput.

Aatsitassarsiornermi suliffeqarfiit soorlu Nunaminerals, Avannaa ressources aamma Tanbreez workshoppertitsinermut peqataatitaqassapput. Suliffeqarfiillu aatsitassarsiorfinnut sullissisartut soorlu Arctic Import, LNS aamma Orbicon peqataatitaqassallutik.