Tatigeqatigiinneq apeqqutaavoq

Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisup Nick Nielsenip naalakkersuisumut allattaasimasup Naalakkersuisoqarfimmit soraarsinneqarnerani patsisigititaq attattuarpaa, aammali Namminersorlutik Oqartussani inunnut ataasiakkaanut tunngasut pillugit oqaaseqarsinnaanani.

Nick Nielsen oqarpoq:

- Kisianni qularinngilara Pallep Naalakkersuisunut ilaasortaasimasutut ilisimalluinnassagaa, Naalakkersuisumut allatsitut suliffeqarneq tassaammat tatigisaalluinnarluni atorfeqarneq, tassungalu tunngatillugu pingaaruteqarluinnarmat pineqartut akornanni tatigeqatigiilluinnarnissaq. Taama pisariaqartitsisarneq Palle-p aamma oqaaseqaammini eqqaavaa, ”Ilinniartitaanermut Naalakkersuisoqarfimmut nuukkami, Tillie Martinussen atorfinitsippara ...”, imaappoq Palle-p – qularnanngitsumik tatigeqatigiinnissaq pissutigalugu – Naalakkersuisutut oqartussaanini atorsimavaa, Naalakkersuisoqarfiup naalakkersuisup allattaanik atorfinitsitsisussaagaluarneranut naleqqiullugu.