Tuttut umimmaallu pillugit Nalunaarutit nutaat

Tuttut umimmaallu illersugaanerat piniagaanerallu pillugit nalunaarutit nutaat atuutilernerannut atatillugu tusagassiorfinnut nalunaarut

Tuttut pillugit nalunaarutit maannamut atuuttut Aalisarnermut Piniarnermut Nunaleriner-mullu Naalakkersuisoqarfimmit (APNN) allanngortinneqarput nutarterneqarlutillu nalu-naarummilu nutaami tuttut illersugaanerat piniagaanerallu pillugit ataatsimoortinneqar-lutik. Umimmaat illersugaanerat piniagaanerallu pillugit nalunaarut ilanngullugu anni-kitsumik aamma nutarnerneqarpoq.

Nalunaarutit maannamut atuuttut tassaapput Namminersornerullutik Oqartussat tuttut piniagaanerat pillugu nalunaarutaat nr. 6, 8. februar 2001-imeersoq, Namminersorne-rullutik Oqartussat tuttut piniagaanerat pillugu nalunaarutip nr. 19, 16. Juli 2002-meer-sup allannguutaatigut allanngortinneqartoq aamma Namminersornerullutik Oqartussat tuttut illersugaanerat pillugu nalunaarutaat nr. 8, 8. februar 2001-imeersoq. Nalunaarut nutaaq tassaavoq Namminersorlutik Oqartussat tuttut illersugaanerat piniagaanerallu pillugit nalunaarutaat nr. 7, 27. juni 2013-meersoq, aamma Namminersorlutik Oqartussat umimmaat illersugaanerat piniagaanerallu pillugit nalunaarutaat nr. 8, 27. Juni 2013-meersoq.

Tuttut illersugaanerat piniagaanerallu pillugit nalunaarummi nutaami, nalunaarutit maan-namut atuuttut sanilliullugit ukunannga allannguuteqarpoq.

• Ataatsimut oqaatigalugu inatsisilerinermut tunngatillugu torersaasoqarpoq nalu-naarutillu arlallit ataatsimoortinneqarlutik.
• Pisassiissutinik, piffissanik piniarfiusussanik kiisalu piniarfissanik aalajanger-saanerit nalunaarummi nutaami kapitali 3-imi ataatsimoortinneqarput.
• Piniarnissamut akuersissutinik agguaassineq tunniussinerlu pillugit aalajanger-sakkat kapitali 5-imi ataatsimoortinneqarput. Pisissiup atornissaanut inatsisitigut tunngavissaq ilanngunneqarpoq, § 11 kiisalu § 13.
• Akiliuteqarluni aallaaniarneq pillugu maleruagassat nalunaarummi nutaami su-kumiinerusumik allaatigineqarput (kapitali 7) pisissiullu atorneqarnissaa periar-fissaalerluni.
• Nalunaarummi nutaami allaatigineqarpoq assartuutit tuttunut uumasunut min-nerpaamik 500 meterinik ungasissuseqassasut.
• Tuttumik pissatamik ujaasinissaq pillugu piumasaqaatit eqaannerulersinne-qarput, § 15, imm. 2.
• Nalunaarummi nutaami Piniarnermut Aallaaniarnermut Aalisarnermullu Nak-kutilliisoq § 15-imi ilanngunneqarpoq tuttumik pissataq nanineqanngippat toqun-neqanngippallu taassumunnga aamma nalunaarutigineqarsinnaalluni, § 15, imm. 3 aamma imm. 4.
• Nalunaarummi nutaami Piniarnermut Naalakkersuisup nunap immikkoortuinik killilikkanik ilivitsunik taakkuluunniit ilaanik aqutsinissamut agguaassisinnaanis-saa periarfissaalerpoq (§ 18).
• Nalunaarummi nutaami kommunimut pisanik nalunaaruteqarnissamut piffissali-ussaq piniarnerup naammassineqareernerata kingornatigut sapaatip akunnerisa marlunngorlutik kiisalu paasissutissat ataatsimoortillugit kommunimit Pinngorti-taleriffimmut nassiunneqarnissaannut piffissaliussaq piniarnerup naammassine-rata kingornatigut sapaatip akunnerisa sisamanngorlutik (§ 19, imm. 1).
• Nalunaarummi nutaami immikkut akuersissuteqarnissamut periarfissat anner-tusineqarput soorlu § 22-mi, ilinniartitaanermik siunertaqartut ilanngunneqarlu-tik. Taassuma saniatigut piniarnermut allagartap 1. maj nallertinnagu akilerne-qarsimanissaanut tunngasoq piumasaqaatip atorunnaarsinneqarnissaa immik-kut akuersissuteqarnikkut periarfissaalerluni (§ 24).
• Nalunaarummi nutaami aalajangersakkanik unioqqutitsinermi pineqaatissiissutit sukaterneqarput (§ 25, imm. 1, imm. 2 kiisalu imm. 3) maannakkullu sunngiffim-mi aallaaniarsinnaanermut allagartaqarsinnaaneq imaluunniit inuussutissarsiu-tigalugu piniarnermut allagartaqarsinnaaneq piffissami killilikkami arsaarinnis-sutaasinnaallutik.



Umimmaat illersugaanerat piniagaanerallu pillugit nalunaarummi nutaami, nalunaarut maannamut atuuttoq sanilliullugu teknik-imut tunngasumik uannga allannguuteqarpoq:

• Pisissiup atornissaanut piumasaqaatit ullutsinnut naleqqussarneqarsimapput.

Annertunerusumik paasissutissat pissarsiarineqarsinnaapput uunga saaffiginninnermut:
Allaffimmi pisortaaagallartoq, Peter Løvstrøm. +299 34 53 42. pelo@nanoq.gl