Toqusoq – Aqutsisoqarfimmi pisortaq Morten Kalhke

Aqutsisoqarfimmi pisortap Morten Kalhkep, sivikitsumik napparsimareerluni ataasinngornerup marlunngornerullu unnuaanni 56-inik ukioqarluni toqukkut qimagunneratigut Akileraartarnermut Aqutsisoqarfik anneertuumik annaasaqarpoq.

Morten Kahlke 1984-imi Kalaallit Nunaannut tikinnermi kingorna Nuup Kommuneani akiliisitsiniartartutut, kingusinnerukkullu akiliisitsiniartarfiup pisortaatut kiisalu aningaasaqarnermut pisortatut sulisimavoq.

April 2008-mi taamanikkut Akileraartarnermi Pisortaqarfiusumi sulilerpoq, akiliisitsi-niartarnermut immikkoortortaqarfimmi siunnersortaanertut atorfeqartitaalluni. Morten Kahlke 2011-miit Akileraartarnermut Aqutsisoqarfimmi pisortatut atorfeqarpoq, tupinnanngitsumillu akiliisitsiniartarnermut tunngasut pingaartillugit sammisimallugit.

Aqagu sisamanngornermi Nuummi Annaassisitta Oqaluffiani, nal. 14:00, Morten Kahlke eqqaaniarlugu naalagiaqatigiittoqassaaq. Tamannalu pereerpat Godthaab Bryghusimi kaffisoqatigiinneqassalluni.

Pisortatut kingoraartissap atorfinitsinneqarnissaata tungaanut immikkoortortaqarfimmi pisortaq Kim Neumann Nielsen Akileraartarnermut Aqutsisoqarfimmi pisortaagallartussanngortinneqarpoq.
”Akileraartarnermut Aqutsisoqarfimmi sulisut tamaasa sinnerlugit Morten Kahlkep ilaqutai misiginneqatigingaarpavut. Pisortatsialattut suleqatitullu pikkorissutut maqaasineqarumaarpoq eqqaamaneqarumaarlunilu” taama oqarpoq aqutsisoqarfimmi pisortaagallartoq Kim Neumann Nielsen.

Qulaani allassimasunut apeqqutissaqartoqaruni aqutsisoqarfimmi pisortaagallartoq, Kim Neumann Nielsen, e-mail: knn@nanoq.gl imaluunniit oqarasuaatikkut 346531-imut saaffigisinnaavaat.