Naalakkersuisut London Mining pillugu

Naqqiineq: Naalakkersuisut Piianissamut akuersissummik tunniussissapput isumaqatigiinniarnerit naammassippata

Ingerlatseqatigiiffik London Mining Greenland Isukasiani saviminissamik piiaanissaminut piiaanissamut akuersissummik qinnuteqarpoq. Qinnuteqaat tamanut ammasumik tusarniaassutigineqareerpoq aamma oqartussaasunit suliarineqareerluni. Ilisimaneqareersutuut Naalakkersuisut ulluni siullerni 100-ni anguniagaasa ilagivaat qinnuteqaammut isummernissaq. DR P1 Orienteringimit Naalakkersuisoq Jens-Erik Kirkegaard aatsitassarsiornermut tunngasuni killiffiit pillugit apersorneqarpoq.

DR-imi tusagassiortup aalangersimasumik aperivaanga, Naalakkersuisut piianissamut akuersissummik qinnuteqaammut junip 27-ani aalajangernissaat ilimagineqarsinnaanersoq, ima akivunga: ”Junip 27-ani? Isumaqatigiinniarnerit apeqqutaapput, kisianni illuatungeriit pitsaasumik oqaloqatigiipput, taamaattoqaratarsinnaavoq kisianni aamma ullormit tassannga kingusinnerusukkut pisinnaavoq, Jens-Erik Kirkegaard ilisimatitsivoq nangillunilu:

” DR’imi aallakaatitassiami P1 Orienteringimi ulloq pineqartoq 27. juni, tusagassiortup uannut apeqqutigisarivaa, ullorlu taanna pineqartoq uanga qaqitarinngilara, tamannalu aallakaatitassiami ersersinneqanngilaq. Isumaqatigiinniartoqarnerata nalaani siumoortumik oqaatigineqarsinnaanngilaq qaqugukkut isumaqatigiittoqassanersoq”.

Tassunga ilanngullugu ilisimatitsissutigisinnaavara Naalakkersuisut London Mining-ip piiaanissamut akuersissummik qinnuteqaataanut tunngatillugu Aatsitassanut Ataatsimiititaliamut ilisimatitsissut pillugu aalajangiisimammata. Ilisimatitsissut ataatsimiititaliamut ullumi ataasinngornermi junip 17-ani 2013-imi nassiunneqarpoq.

DR P1 Orienteringip aallakaatitassiaa uani tusarnaarneqarsinnaavoq: http://www.dr.dk/P1/orientering/indslag/2013/06/14/153640_1_1_1_1.htm