Paarnat qerisut malitseqartinneqarnerat

Jordbærit qerisut tingulluuteqalernermut tunillaassuisarnerisa ilimagineqarnerat

Tingulluummik tunillaassuuttumik aarlerinaateqarsinnaanera peqqutigalugu Uumasut Nakorsaqarfiat Inuussutissalerinermullu Oqartussaqarfik ulloq 7. maj paarnat qerisut tamarmik nerineqannginneranni ooqqaarneqartarnissaannik inassuteqaateqarpoq.
Suliap malitseqartinneqarnerata paasinarsisippaa, jordbærit qerisut tingullulernermut tunillaassuuttarnerat ilimanaateqartoq.

Suliaq pillugu Danmarkimi Inuussutissaqarnermik Aqutsisoqarfimminngaanniit, Fødevarestyrelsen-imiinngaanniit, nutaarsiassaq:

Inuussutissat suut:

Coop Jordbærit
Oqimaassusiat: 500 g
Ullut atuuffiusinnaanerisa kingusinnerpaaffissaat: ulluliinerit tamarmiusut
EAN-imi ilisarnaataa: 7340011360377
Tunisassiarineqarfiat: Belgia

Nunami tamarmi pisiniarfinni ukunani tuniniarneqartartut:
Brugsenini taakkualu immikkoortortaqarfiini
Pisiniarfiit ilisimatitsissutigaat, nioqqutissiat 30. maj 2013-imi Coop-imiit nalunaaruteqareernikkut tunisaajunnaartut.

Suliffeqarfik tuniniaaqqusiunnaarnissamik nalunaaruteqartoq:
Coop Danmark A/S

Peqqutaatinneqartoq ulorianaatillu:
Pasitsaanneqarpoq paarnat ilaasa tunillannartumik hepatitis A-mik mingutsinneqarsimasinnaanerat. Tunillannartulli paarnani paasineqanngillat, Danmarkimili hepatitis A-mik nappaalasoqalernermut aallaviunerat ilimatsaanneqarluni. Tamanna tunngavigalugu mianersornissarlu eqqarsaatigalugu nioqqutissiat tamarmiusut tuniniagaajunnaarnissaat Coopip aalajangiiffigaa.

Paarnat qalateqqaarnagit (sivikinnerpaamik minutsimi ataatsimi qalatitsinikkut) nerineqarsimassagaluarpata Hepatitis A-mik, tingullulissutaalersussamik tunillanneqarnissaq ulorianaateqarsinnaavoq.

Hepatitis A-mik tunillatsissimanermut ersiutaasartut tassaapput: Kissarneqalerneq, meriannguneq, naarlunneq kingornalu sungarpallalerneq. Qoorisaq iseriatsittarpoq anarineqartartorlu qaqortittarluni. Tunillatsinnermiit nappaammut ersiutit sapaatit akunnerisa aappaanniit arferngat tikillugu paasinarsisarput nappaatigineqalersorlu sivisuujusarluni (sapaatit akunnerini arlalinniit qaammatinut arlalinnut). Pisuni qaqutigoortuni nappaateqalerneq tinguit sulisinnaajunnaarnerannik toqumillu kinguneqarsinnaasarpoq.

Atuisartunut kaammattuut:
Jordbærit iginneqassapput imaluunniit pisiniarfimmut pisiffigisamut utertinneqassallutik.

Fødevarestyrelsen-ip suli inassuteqaatigaa paarnat qerisut minutsi ataaseq ooqqaartaqqullugit smoothienut, kaaginut pinnersaatitut kinguleqqiutinulluunniit kissaqqaarneqartariaqanngitsunut atunnginneranni.

Inussiarnersumik inuulluaqqusillunga

Nunatsinni Uumasut Nakorsaqarfiat Inuussutissalerinermullu Oqartussaqarfik