Greenland Holding A/S

Inuussutissarsiutitigut siuarsaanermi nutaamik aaqqissuussami Greenland Holding A/S-ip qitiusumik inissisimanissaa

2012-mi ima pisoqarpoq:

  • Kalaallit Nunaanni Inuussutissarsiutitigut siuarsaanermi nutaamik aaqqissuussaq inissippoq
  • Aallarnisaasut ingerlatsiviillu alliartortut ikiorserniarlugit Greenland Business pilersinneqarpoq
  • Greenland Venture iluatsilluartumik ’exit’-erpoq – aningaasaliisunut inuiaqatigiinnullu iluaqutaasumik

 

Greenland Holding A/S

2012-mi inuussutissarsiutitigut siuarsaanermi ingerlatsiviup Greenland Business A/S-ip, Greenland Holding A/S-ip pigisaatut, pilersinneqarneratigut nunatsinni inuussutissarsiutitigut siuarsaanermi nutaamik aaqqissuussaaneq naammassineqarpoq.

Taamaasilluni Greenland Holding pisortat ataatsimoortumik inuussutissarsiutitigut siuarsaanermi aaqqissuussaaneranni pilersaarutaasutut qitiusumik inissisimalerpoq. Tamanna pigisatut ingerlatsiviit, Greenland Venture A/S-ip, ajutooratarsinnaasumik, utaqqisinnaassuseqartumik unammilleqatigiinnermilu equngasumik atugassaqartitsinngitsumik aningaasaliineratigut kiisalu Greenland Business A/S-ip inuussutissarsiutitigut siuarsaanermi siunnersuisuuneratigut pivoq.

Ingerlatseqatigiiffiup akileraarutit akilereerlugit 50,6 mio. kr.-it sinneqartoorutigivai, taakkunannga 30,5 mio. kr.-it ingerlatseqatigiiffimmit pissarsiassatut tunniunneqarlutik. Ingerlatseqatigiiffiup Greenland Venture A/S aqqutigalugu aningaasanik ingerlaartitsisarneranut sinaakkutit ukiukkaartumik Naalakkersuisunit eqqartorneqartarpoq.

Greenland Venture A/S-ip 2012-mi iluatsilluartumik ’exit’-eqarnera

2012-mi pigisatut ingerlatseqatigiiffik Greenland Ventures A/S, ingerlatseqatigiiffiit ilannguffigisat imminnut akilersinnaasumik ingerlatsinissaat eqqarsaatigalugu  piumasaqaatinik pimoorullugu tulluarsaavoq.

Greenland Ventures A/S ingerlatseqatigiiffinnut alliartornissamut periarfissalinnut aningaasaliisarpoq – nalinik suliffinnillu nutaanik pilersitsisinnaasunik. Greenland Venture A/S aningaasaliigaangami pigisap tuneqqinnissaa siunertariuaannarpaa, tassa ingerlatseqatigiiffik aningaasaliiffigisaq ima annertutigilerlunilu nalitutigilerpat qimassinnaanngorlugu. Tunisineq tamanna ‘exit’-imik taaneqartarpoq.

2012-mi Greenland Venture A/S iluatsittumik exit’erpoq, tassa Greenland Mining Services A/S-mi (GMS) pigisat nunat tamalaat akornanni aningaasaliisunut tunigamigit.

Tunisaqarnermi Greenland Venture A/S aningaasatigut iluanaaruteqarpoq peqatigitillugulu GMS - nutaamik taaguutitaarluni LNS Greenland A/S-nngortoq – siunissami aatsitassarsiulernissami sanaartukkanut annertuunut neqeroorsinnaanngornissaminut pisuussutinik atuisinnaanngortitaalluni.

Tunisineq Greenland Venture A/S-ip ajutooratarsinnaassumik utaqqisinnaassuseqartumillu aningaasaliinermigut inuussutissarsiutitigut siuarsaanikkut tapertaasinnaaneranik takutitsisuuvoq, peqatigitillugulu aningaasaliineq iluanaaruteqarfiulluni.

Naalakkersuisut Siulittaasuat Aleqa Hammond oqarpoq: “Nuannersuuvoq nunatsinni inuussutissarsiutitigut suliniutit pitsaanerpaamik ineriartorsinnaanerannut periarfissiisumik maanna inuussutissarsiutitigut siuarsaanermi aaqqissuussaq inissilluarmat”.

Greenland Holding A/S-ip siulersuisui ukuupput:

  • Vagn Hansen Andersen (siulittaasoq)
  • Mogens Nathansen
  • Aviâja Lyberth Lennert
  • Vita Motzfeldt
  • Christian Motzfeldt