www.nanoq.gl tassaalerpoq www.naalakkersuisut.gl

Namminersorlutik Oqartussat nittartagaat piffissami kingullermi allanngortiterneqareerluni nutaamik isikkoqarluni maanna saqqummerpoq nutaamillu taaguuteqalerluni.

Nittartakkap nutarterneqarnissaa pisariaqalivissimavoq innuttaasunut kiffartuussinermut tunngasut 2012-p aallartisimalernerani www.sullissivik.gl-imut nutserneqareersullu aammalu teknikkip tunuliaqutaasut nutarterneqarnissaa pisariaqalivissimammat.

 

Taamaattumik nittartagaq nutaaq tassaavoq naalakkersuisut nittartagaat, tamannalu taaguutigitinneqalersup www.naalakkersuisut.gl –ip naqissuserpaa. Nittartakkami allaaserisat, assitaasa nipitaasalu Naalakkersuisut allattoqarfiullu suliaat Nunatsinnut avataanullu nittarsaatissavaat soqutiginartunngorlugit paasiuminartunngorlugillu.

 

Pisortaanerugallartoq Søren Stach Nielsen:

- Nuannaarutigaara nittartakkamik ullutsinnut naleqquttumik Naalakkersuisut peqalermata. Namminersorlutik Oqartussat sinnerlugit neriuutigaara oqaluttuat pitsaasut soqutiginaateqartullu Naalakkersuisut Allattoqarfiillu suliaat pillugit imallit nittartagakkoorlugit saqqummersinneqartarumaartut.

 

Emailadresset eqqarsaatigalugit nanoq.gl allannguuteqassanngilaq atuinnarneqassallunilu.