Allakkatigut taasinerit 41-t pillugit suliaq nammassivoq

Nunamut Namminermut Pissutsinut Allattoqarfik Qinersinermut Ataatsimiititaliamut allattoqarfiusoq, sapaami apriilip 28-ani Kommuneqarfik Sermersooq-miit ilisimatinneqarpoq Nuup illoqarfiani innutaasunik sullissivimmi allakkatigut taasinerit ammarneqanngitsut 41-t nassaarineqarsimasut.

Allakkatigut tassinerit amerlassusiat ima agguataarneqarput:

  • Allakkatigut taasinerit 31 Kommuneqarfik Sermersooq-mi kommunalbestyrelsemut qinersinermut attuumassuteqarput.
  • Allakkatigut taasineq ataaseq Qaasuitsup Kommuniani kommunalbestyrelsimut qinersinermut attuumassuteqarpoq.
  • Allakkatigut taasinerit marluk Kommune Kujallermi kommunalbestyrelsimut qinersinermut attuumassuteqarput.
  • Allakktigut taasinerit marluk Qeqqata Kommuniani kommunalbestyrelsimut qinersinermut attuumassuteqarput.

Kommuneqarfik Sermersooq-mi qinersivimmut allakkatigut taasinernut attuumassuteqartunut suliassaq Kommuneqarfik Sermersoop-p suliaraa. Tassunga tunngatillugu Qinersinermut Ataatsimiititaliaq Kommuneqarfik Sermersooq-miit ilisimatitsissummik tigusaqarpoq.

Qinersinermut Ataatsimiititaliap allakkatigut taasinerit 36-t aamma allakkatigut taasinerit tallimat qinersivinnut pingasunut allanut attuumassuteqartut Kommuneqarfik Sermersuaq-miit tiguvai. Suliassaq Qinersinermut Ataatsimiititaliamit pilertortumik nukingiullugu suliarineqarpoq, paasineqarporlu allakkatigut taasinerit qinersivinni qinigaallutik ilaasortanngortut agguarneqarnerannut imaluunniit sinniisussat tulleriinnerannut allanngortitsinngitsut. Tamanna tunuliaqutaralugu Qinersinermut Ataatsimiititaliaq aalajangiivoq suliassami nammassineqartumi susoqaqqissanngitsorlu.

Qinersinermut Ataatsimiititaliaq sinnerlugu

Søren Stach Nielsen
Naalakkersuisut siulittaasuata Naalakkersuisoqarfiani pisortaagallartoq