Qinigaasinnaassuseq pillugu Ataatsimiititaliamit

Qinigaasinnaassuseq pillugu Ataatsimiititaliap 15. maj 2013 ataatsimiinneranit

Qinigaasinnaassuseq pillugu Ataatsimiititaliaq aappassaaneerluni ataatsimiippoq kom-munalbestyrelsinut, nunaqarfinni aqutsisunut ilagiillu sinniisaannut 2. april 2013 qinersi-nerup kingorna.

Ataatsimiititaliap apriilip 30-ani 2013 politimesteri suliani allattugaatinik sulianut arfineq pingasunut attuumasunik qinnuigisimavaa. Suliani allattugaatit tiguneqarput 15. maj 2013. Suliat pineqartunut attuumasut sapaatip akunnerata tulliani suliarineqarnissaat piareersarneqassaaq. Tamatuma kingorna nunaqarfinni aqutsisunut attuumassutilinnik allanik suliassaarutissaaq.

Qaasuitsup Kommunianiit ilagiit sinniisaannut qinersinermit nalunaarsuutit kingulliit, ulloq 15. maj 2013 tiguneqarput.

15. maj 2013 ataatsimiinnermi suliat qinigaasinnaatitaanernut tunngasut arfineq pingasut suliarineqarput.

Qinigaasinnaassuseq pillugu ataatsimiititaliaq ima aalajangiivoq:

Albrecht Karl Kristian Kunuk Kreutzmann, Kangerlussuarmi nunaqarfimmi aqutsisunut aammalu Qeqqata Kommuniani kommunalbestyrelsimi sinniisussatut qinigaasoq, qinigaasinnaatitaanngilaq.

11. oktober 2012-mi akiliisussanngortitaanermik akuersinikkut Albricht Karl Kristian Kunuk Kreutzmann kr. 6.500,00-nik akiliisussanngortitaavoq pinerluttulerinermi inatsimmi § 106, imm. 1, nr. 1-mik unioqqutitsineq pillugu – allap piinik imminut paarititanik peqquserluttuliorneq, piffissap 11. martsip 15. martsillu akornanni Kangerlussuarmi, Qinnguata Atuarfiata fritidsklubbiani pisortaalluni, eqqunngitsuliorluni karsimit kr. 1.600,00-nik tigusisimasutut.

Anda Mathias Sommer Enok Berthelsen, Qeqqata Kommuniani kommunalbestyrelsimi sinniisussatut qinigaasoq, qinigaasinnaatitaanngilaq.

6. november 2012 akiliisussanngortitaanermik akuersinikkut Anda Mathias Sommer Enok Berthelsen kr. 2.500,00-nik akiliisussanngortitaavoq pinerluttulerinermi inatsimmi § 102-mik unioqqutitsineq pillugu – tillinneq, ullormi 2. juni 2012 nal. 00.20 missaani matuersaammik atortakkamik, nunaqarfimmi Sarfannguani, Sisimiut, Pilersuisup pisini-arfiata quianut imminut ammaassimalluni akuerisaananilu nioqqutissat assigiinngitsut katillugit kr. 2.612,00-nik nalillit tillissimallugit.

Minannguaq Hilda Zeeb, Kangerlussuarmi nunaqarfimmi aqutsisunut qinigaasoq, qinigaasinnaatitaanngilaq.

14. juli 2010 akiliisussanngortitaanermik akuersinikkut Minannguaq Hilda Zeeb kr. 49.000,00-nik akiliisussanngortitaavoq ukiunilu marlunni ingerlatitsisuusinnaatitaanermi-nik arsaarneqarluni aqqusinertigut angallannermut inatsimmi § 9, imm. 1-mik unioqqutit-sineq pillugu – imigassartorsimalluni ingerlatitsineq, ullormi 13. juni 2010 nal. 19.00 qamutit motorillit ingerlatissimallugit imeqarfiup/roklubben-ip tungaanut ima atsigisumik imigassartorsimareerluni aava imigassamik akoqalersimasoq ingerlatsinerup nalaani imaluunniit kingorna 1,20 promille sinnerlugu. Imigassap aammi akua uuttorneqarpoq minnerpaamik 3.05 promille-mik qaffasissuseqartutut.

Aqqalu Frederik Larsen Schmidt, Sisimiuni ilagiit sinniisaannut ilaasortassatut qinigaasoq, qinigaasinnaatitaanngilaq.

31. marts 2009-mi eqqartuussut malillugu Aqqalu Frederik Larsen Schmidt eqqartuus-summik pineqaatissiinngikkallartumik ukiumik ataatsimik misilinneqaatitalimmik eqqartuunneqarpoq aammalu akiliisussanngortitaalluni kr. 3.000,00-nik, pinerluttuleri-nermi inatsimmi § 72-mik unioqqutitsineq pillugu – tillinneq, 2008-ip aasaanerani Sisimi-uni Spar Qiviarfimmit, pisiniarfimmi pisiniartitsisutut atorfeqarnermi nalaani eqqunn-gitsuliornikkut aningaasat qularnaatsumik kisinneqarsimanngitsut kiisalu Tusasskorti ataaseq kr. 100,00-nik nalilik aammalu imigassat kimittuut puiaasat pingasut katillugit kr. 1.596,00-nik nalillit tigusimallugit.

John Niels Nikolaj Pavia Jakob Kajusen, Itillimi ilagiit sinniisaannut ilaasortassatut qinigaasoq, qinigaasinnaatitaanngilaq.

18. august 2009 eqqartuussut malillugu John Niels Nikolaj Pavia Jakob Kajusen eqqartuussummik ukiumik ataatsimik misiliineqaatitalimmik eqqartuunneqarpoq aamma-lu kr. 3.000,00-nik akiliisussanngortitaalluni, pinerluttulerinermi inatsimmi § 72 (maanna § 102)-mik unioqqutitsineq pillugu – tillinneq, piffissami arfininngorneq 12. maj 2007-miit sapaat 13. maj 2007-mut nal. 8.40-p tungaanut, pisiniarfimmi pisiassat ataatsimut katil-lugit kr. 14.007,00-nik nalillit Pilersuisup Itillimi, 3911 Sisimiut, pisiniarfianit tillissimallugit, matumik aseruillutik tassunga isernermikkut aamma pinerluttulerinermi inatsimmi § 80, imm. 1 (maanna § 114, imm. 1)-imik unioqqutitsineq pillugu – akuerineqarani allap pigisaanik atuineq, sapaammi 8. januar nal. 4.00 miss. akuerisaanatik umiatsiaaraq Poca 500, 85 hk-nik motorilik, Sarfannguaniit Sisimiunut angallatigisimallugu.

Kristian Rasmus Jonathan Qiniang Uitsatikitseq, Sermiligaami ilagiit sinniisaannut ilaa-sortassatut qinigaasoq, qinigaasinnaatitaanngilaq.

27. august 2009 aalajangiinermi pineqaatissiinertaqanngitsumik eqqartuussinikkut aki-liisussanngortitsinikkullu Kristian Rasmus Jonathan Qiniang Uitsatikitseq eqqartuun-neqarpoq pineqaatissiinertaqanngitsumik ukiumik ataatsimik misiliinertalimmik aammalu kr. 6.000,00-nik akiliisussanngortitaalluni, pinerluttulerinermi inatsimmi § 53 (maanna § 79) – kinguaassiuutitigut meeqqanik atoqatiginninneq pillugu, ulloq 15. februar 2008 meeqqamik 15-nik inorlugit ukiulimmik kujannissimasutut.

Gedion Vittus Lars Aleqatsiaq Suerssaq, Savissivimmi Qaanaaq nunaqarfimmi aqutsis-uni sinniisussatut qinigaasoq, qinigaasinnaatitaanngilaq.

Kalaallit Nunaata Eqqartuussiviani 17. april 2012 eqqartuussinermut aalajangiinermi Gedion Vittus Lars Aleqatsiaq Suerssaq qaammatini arfineq pingasuni pinerluuteqarsi-masunut inissiisarfimmiittussatut eqqartuunneqarpoq pinerluttulerinermi inatsimmi § 84, imm. 1 kannguttaalliorneq pillugu, piffissap ilaani 1998-ip 1999-llu akornanni, sinittar-fimmi, atisaqarnani ulissimananilu natermut siniffiup sanianut nallarsimalluni, tassani xx innangasoq sinittorlu taassumalu inimit aninialermat aninaveersaartinniarsimallugu ta-assuma nillialernerata tungaanut aammalu

Pinerluttulerinermi inatsimmi § 77, imm. 1, naleqqiuguk § 79 – pinngitsaaliilluni atoqatiginninneq kujanninnani allatut kinguaassiuutitigut atoqatiginninneq aammalu § 84 – kannguttaalliorneq pillugu, piffissami 2001-ip aamma 2005-llu akornanni, arlaleriarluni 20-nillu ikinnerunngitsumik, timikkut nukittunerunini ukioqqortuneruninilu iluaqutigalugit xx atisaata qaavisigut atisaatalu iluisigut attuuasarsimallugu, nuluisigut, uppataasigut kinguaassiutaasigullu, aammalu arlaleriarlugu kujanninnerunngitsumik allatut kinguaassiuutitigut atoqatigisarsimallugu, taamaasinikkut inussani ataaseq utsuinut manguttarsimallugu.

Inussiarnersumik inuulluaqqusillunga
Med venlig hilsen


Sønder Søndergård Hansen
Landsdommer
Qiningaasinnaassuseq pillugu Ataatsimiititaliamut Siulittaasoq / Formand for Valgbarhedsnævnet