Rektori nutaaq

Portræt af Mikael Ettrup-Enggaard

Qeqqani Ilinniarnertuunngorniarfimmi rektoritaarneq

Mikael Ettrup-Enggaard Qeqqani Ilinniarnertuunngorniarfimmi Nuummiittumi rektoritut atorfininnissaminut akuersivoq 1. juli 2013 aallartittussanngorluni.

Mikael Ettrup-Enggaard 42-nik ukioqarpoq inuiaqatigiilerinermik (pingaarnertut) aamma danskit oqaasiinik cand. mag.-itut ilinniarsimavoq. Mikael Ettrup-Enggaard Aalborg Universitetimi soraarummeersimavoq. Mikaelip atuartitsineq, atuartitsinermik inerisaaneq aamma aqutsineq Aalborg Katedralskolemi suliarisarsimavai, rektorilu qanimut suleqatigalugu, ilinniarnertuunngorniarnermik iluarsaaqqinnerup piviusunngortinneqarnissaa akisussaaffigisimallugu.

Mikael Ettrup-Enggaard nunatsinni ilaqutariinnikkut atassuteqarpoq. Mikael oqarpoq: ”Ilinniartut ilinniartitsisullu oqaloqatiginerisigut Kalaallit Nunaanni ilinniarnertuunngorniartarnermik iluarsaaqqinnerup piviusunngortinneqarnissaata suleqataaffiginissaa qilanaaraara. Pingaartuuvormi inuusuttut tamarmik ilinniagaqarnissamut periarfissinneqarnissaat”.

Attavigineqarsinnaavoq: Lotte Sandberg Kjær, ilinniartitaanermut nakkutilliisoq, Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfik; oqarasuaat: 34 57 23.