Imminut toqussinnaasunik siunnersuinermut Paarisa pikkorissaatitsiniarpoq


PAARISA maajip 13-aniit 17-anut imminut toqussinnaasunik siunnersuinermut pikkorissaatitsissaaq.

Pikkorissaaneq Nunarput tamakkerlugu ilinniartitaanermut inunnillu isumaginninnermut tunngasunik sulialinnit assigiinngitsunit peqataaffigineqassaaq.

Pikkorissaaneq marlunnik immikkoortortaqarpoq. Immikkoortumi siullermi siunnersuineq, imminorsinnaasunik naliliineq, isummanik suliarinninneq ilinniagaqassutsillu akimorlugit suleqatigiinneq ukkanneqassapput. Immikkoortut aappaat sakkussanik ilisimalikkanillu- immikkoortumi siullermi pissarsianik - ingerlatitseqqissinnaanngornissamut pikkorissaaneruvoq.

Pikkorissaaneq ”Livslinien” Qallunaat Nunaanni oqarasuaatikkut saaffiginnittarfik suleqatigalugu ingerlanneqassaaq.

Paasissutissat sukumiinerusut PAAARISA-mi siunnersorti Britta Nielsen Johansen oqarasuaatikkut +299 34 42 65 imal. qarasaasiakkut: bnj@peqqik.gl attavigalugu pissarsiarineqarsinnaapput.