Paarnat qerititat pillugit

Uumasut nakorsaqarfia Inuussutissalerinerullu Oqartussaqarfik (UNIO) paarnat qerisut pillugit paasissutissiivoq

Inuit 30-it sinnerlugit Danmarkimi tingummikkut aseruuttornermik napparsimalersimapput, UNIO-lu innersuussuteqarpoq paarnat qerisut nerinnginnerini qalatinneqaqqaartassasut, Fødevarestyrelsen suna peqqutaanersoq pilligu nassuiaammik saqqummiussinissaata tungaanut.

Napparsimanermut tunillaassuunneq pissuteqarsorineqarpoq paarnat qerisunit Danmark-imi Kalaallit Nunaannilu tuniniagaasusuniit aallaaveqartuusoq

Fødevarestyrelsenip suli paasinngilaa paarnat sorliit mingutsinneqarsimanersut. Taamaammat Fødevarestyrelsen aalajangiisimavoq innersuussutigissallugu napparsimalinnginnissaq anguniarlugu paarnat qerisut tamarmik qalatinneqaqqaartassasut, nerisassianut kissattagaanngitsunut atorneqassappata soorlu smoothies-itut kinguleqqiutitulluunniit.

UNIO tunngavilimmik paasissutissanik annerusunik tigusaqareeriaruni, avammut nalunaarutegeqqikkumaarpaa.

Apeqqutigineqartartut nalinginnaanerpaat:

  • Qanoq sivisutigisumik paarnat qalatinneqartassappat?

Smoothies-itut kinguleqqiutitulluunniit piareersaalinnginnermi, minut-imik ataatsimik qalatinneqaqqaassapput.

Minut-imik ataatsimik imeq puialasoqartillugu qalaartinneqassaaq, qalattumiissimaneri uppernarserussukkaanni.

  • Innersuussineq neriniartarfinnut, cafe-nut assigisaannullu aamma atuuppa?

Aapp, innersuussineq atuisunut aamma suliffeqarfinnut atuuppoq soorlu neriniartarfinnut, café-nut, nerisassialerinermut, paarnat qerisunik akoqartuusunut kissattagaangitsunullu atorneqassappata.

  • Qanoq sivisutigisumik paarnat qerisut qalanneqartarnissaannut innersuussissut atuutsinneqassava?

Innersuussineq atuukkallassooq tunillaassuutip pilerfiata paasineqarnissaata tungaanut, imaluunniit nappaalasut tusarsaajunnaarpata. Tamanna pippat UNIO-miit nalunaarutigineqarumaarpoq.

  • Pinngortitami Kalaallit Nunaanni paarnat nunialluni katersat aamma qalanneqaqqaartassappat?

Nammineq nunialluni katersisimatilluni qeritissimatillugillu mianernartua annikitsuinnaavoq, nuniannermi eqqiluisaarneqarluarsimappat. Eqqaamaneqaqqunarporli paarnanik katersinermi inuppassuit ingerlasarfiisa nalaanniittut nuniaffiginaveersaartarnissaat, imaluunniit katersat mingutsitsinerit qanittuaniittassanngimmata.

  • Paarnat qalaanneqareeraangata qeritinneqaqqissinnaasarpat?

Aap, paarnat qalatinneqarsimasut qeriteqqissallugit ajornartoqanngilaq.