Kigutilerisunut qullersaq nutaaq

Peqqissutsimut Pitsaaliuinermullu Aqutsisoqarfimmi kigutilerisut nutaamik qullersaqalissapput

Cheftandlæge Olina Hansen

Olina Hansen septembarip aallaqaataani 2013 Peqqissutsimut pitsaaliuinermullu Qullersaqarfimmi kigutilerisut qullersaattut atorfinissaaq.

Olina Peqqinnissaqarfiup immikkoortuani Qeqertarsuup Tunuani qitiusumik kigutigissaavimmi pisortaagalartutut atorfeqarpoq. Kalaallit Nunaanni Peqqinnissaqarfimmi kigutilerisutut sulineq misilittagaqarfigilluartuuvaa, 1993-imiillu 2011-ip tungaanut kigutilerinermi pisortatut sulisimalluni.

Olina kigutigissaasutut kigutilerisutullu ilinniarpoq kingornalu ilinniaqqilluni innuttaasut peqqissuunissaannut tunngasunut masterinngorluni (Master Of Public Health).

Olina Hansen-ip kigutilerisut qullersaat Frank Senderovitz ukiut 25-it sinnerlugit sulereerluni tunuarniuteqartoq taarserpaa. Frank Senderovitz 2013-ip naanerani suliunnaassaaq.


Paasissutissat sukumiinerusut:
Peqqissutsimut Pitsaaliuinermullu Aqutsisoqarfimmi pisortaq Jóanis Erik Køtlum oqarasuaatikkut: +299 34 43 93 imal. qarasaasiakkut: sundhedsledelsen@peqqik.gl attavigalugu pissarsiarineqarsinnaapput.