Norsket aallartitaat naapippaa

Aleqa og Ingvar 300513

Naalakkersuisut Siulittaasuata Aleqa Hammond-ip norsket København-imi aallartitaat Ingvar Havnen Nuummut tikeraartoq 30. maj 2013 naapippaa.

Naalakkersuisut Siulittaasuata Aleqa Hammond-ip Norge-p København-imi Aallartitaa Ingvar Havnen 30.maj 2013 pulaartoraa.

Ingvar Havnen-ip nunatsinnut tikeraarnermini Naalakkersuisut Siulittaasuannik naapitsinini qujassutigalugu Naalakkersuisut Siulittaasuat Aleqa Hammond Norge-mut tikeraarsarpaa, tikeraarnissaq Nunani Avannarlerni Ministerit Siunnersuisoqatigiiffiata ukiaru oktobarimi ataatsimeereernerata kingorna pisussanngorlugu.

Naalakkersuisut Siulittaasuata nunani avannarlerni Naalakkersuisunut Siulittaasut Stockholm-imi 15.-16.maj 2013 ataatsimeeqatigiinneranni oqallissutigineqartut pillugit Ingvar Havnen qujassuteqarfigaa. Stockholm-imi ataatsimiinnermi nunat avannarliit suleqatigiinnerisa pingaaruteqarnerat kiisalu nunani avannarlerni inuusuttut suliffissaaleqinerannut akiorniarnissaq pingaartumik oqaluuserineqarput.

Nunat avannarliit Naalakkersuisuni Siulittaasut Stockholm-imi ataatsimeeqatigiimmata nunat avannarliit, nunat Issittumiittut Siunnersuisoqatigiiffianni peqataanerat aamma oqaluuserineqarpoq, oqallinnermilu Danmarkip, Kalaallit Nunaata Savalimmiullu Issittumi Siunnersuisoqatigiinnut tunngatillugu inissimanerat, Danmarkimut, nunatsinnut Savalimmiunullu ersarissassallugu pingaaruteqarsimavoq. Tamanna Naalakkersuisut Siulittaasuata Aleqa Hammond-ip Norge-miut aallartitaannik naapitsinermini aamma eqqaavaa.

Aleqa Hammond: ”Oqaloqatigiinnitsinni Issittumi Siunnersuisooqatigiit Kalaallit Nunaannut qanoq pingaaruteqartiginera iserfigaarput, tassungalu
Atatillugu erseqqissaatigaara Issittoq pineqartillugu ikinngutitsinnit tapersersorneq aqqutigalugu sunniuteqarneq annerpaaq anguneqarsinnaasoq.”