Sermitsiaq.ag-mut naqqiut

Naalakkersuisut Siulittaasuata Naalakkersuisoqarfiani tusagassiinermi pisortatut nutaamik atorfinitsitsisoqanngilaq.

Sermitsiaq.ag online 11. april allappoq Julie Rademacher Naalakkersuisut Siulittaasuata Naalakkersuisoqarfiani tusagassinermi pisortatut nutaatut atorfinitsinneqartoq.

Tamanna eqqunngilaq. Naalakkersuisut Siulittaasuata Naalakkersuisoqarfianiit taamatut imalimmik nalunaaruteqartoqanngilaq, taamaattumik sermitsiaq.ag qinnuigineqarpoq paasissutissaq nalunaarutigisartik naqqeqqullugu.

Naalakkersuisoqarfimmi paasissutissiinermut immikkoortortami Tusagassiivimmi attaveqaqatigiinnermut pisortaavoq Sofia Geisler, sulisoralugu Naalakkersuisut Siulittaasuata Naalakkersuisoqarfianit nuannarineqartoq, paasissutissiinermillu suliassamik annertuumik Namminersorlutik Oqartussanut Naalakkersuisunullu tunngasunik isumagisaqartoq. Tamanna allanngortissallugu pilersaaruteqartoqanngilaq.

Naalakkersuisut Siulittaasuata Naalakkersuisoqarfiata sermitsiaq.ag qinnuigissavaa atorfinitsitsinernik taaguusersuinernilluunniit Naalakkersuisoqarfimmi aalaajangiiffigineqanngitsunik namminersuutigalugu allaaserinninnginnermini Naalakkersuisut Siulittaasuata Naalakkersuisoqarfia saaffigeqqaartaqqullugu.

Ilisimatitsissutigissavarput Naalakkersuisut Siulittaasuata Naalakkersuisoqarfiata eqqarsaatigimmagu Naalakkersuisunut Siulittaasumut sullissisussamik tusagassiuutinut attaveqarnermi ataqatigiissaarisumik atorfinitsitsinissaq – soorluttaaq taamaassimasoq Naalakkersuisut siulii eqqarsaatigalugit. Suliaq taanna ingerlavoq, taamaattumik tusagassiorfiit allallu tamatuminnga soqutiginnittut qinnuigissavagut tamanna pillugu Naalakkersuisut Siulittaasuata Naalakkersuisoqarfianiit nalunaaruteqarnissamik utaqqeqqullugit.



Inussiarnersumik inuulluaqqusillunga

Naalakkersuisut Siulittaasuata Naalakkersuisoqarfiani pisortaanerugallartoq, Søren Stach Nielsen, Naalakkersuisut Siulittaasuata Naalakkersuisoqarfia, mobil +299 532614