Qinigaasinnaassuseq pillugu Ataatsimiititaliap ulloq 29. april 2013 ataatsimiinnera


Qinigaasinnaassuseq pillugu Ataatsimiititaliaq kommunalbestyrelsinut, nunaqarfinni aqutsisunut, ilagiillu sinniisaannut qinersinerup kingorna ulloq 29. april 2013 siullermeerluni ataatsimiippoq.

Ataatsimiititaliap 29. april 2013 ataatsimiinnerani kommunalbestyrelsini ilaasortanut tunngasut suliat tamakkerlugit suliarineqarput. Suliat allanut attuumassutillit maajip aallartinnerani suliarineqarnissaat naatsorsuutigineqarpoq.

Ataatsimiinnermi suliat pingasut suliarineqarput. Sulianut marlunnut tunngatillugu ataatsimiititaliaq aalajangiivoq, qinigaasimasut qinigaasinnaatitaanertik attatiinnassagaat.

Suliat pingajuanni Qinigaasinnaassuseq pillugu Ataatsimiititaliaq aalajangiivoq Thomas Kristian Ørum Kristensen, Kommuneqarfik Sermersuumi kommunalbestyrelsimut qinigaasoq, qinigaasinnaatitaanngitsoq.

Akiliisitsissutissamik akuersinikkut Thomas Kristian Ørum Kristensen ulloq 7. marts 2012, kr. 2.000,00-nik akiliisussanngortitaavoq, pinerluttulerinermi inatsimmi § 37-mik unioqqutitsineq pillugu – pisortat oqartussaatitaannut narrunarsaaneq, ullormi 15. oktober 2011 nal. 3:18 diskotek Pakhuset-ip silataani, Umiarsualivimmut BNR 107, 3913 Tasiilaq, politiit suliamut allamut atatillugu najuunneranni, politiassistent (xxx) taasimallugu ”anaq”, ”illit tassa!, xxx”, ”qunutooq angerlarniarit”, ’Tasiilami politiiunerit maanna killeqarpoq”, ”maaniinnissat kissaatiginngilarput”. Tamatuma saniatigut Thomas Kristian Ørum Kristensen-ip inussami pingajuat, xxx-ip tungaanut nittarpaa.

Thomas Kristian Ørum Kristensen-imut sinniisussatut siullertut qinigaavoq Steen Lynge sinniisussatullu aappaattut Erling Madsen qinigaalluni.