Naartusunut ilaqutariinnullu mikisunik meerartalinnut siunnersuutit peqqinnartut

Inuussutissat pillugit Siunnersuisoqatigiit Peqqissutsimullu Naalakkersuisoqarfiup kak-kersagaq ”Siunnersuutit peqqinnartut - Meeraaqqat 0-3 ukiullit aamma naartusut mi-lutsitsisullu” saqqummerseqqippaat. Meeraaqqat nerisassaat pillugit ilisimasanik nutaanerpaanik tunngaveqartoq pitsaasunik siunnersuutinik ilitsersuutinillu imaqartoq naartusunut ilaqutariinnullu meeraarartalinnut kakkersagaq saaffiginnippoq.

- ”Nerisat timillu atornera innuttaasut peqqissuunissaat pillugu suliniummi Inuuneritta II-mi sammisat pingaartinneqartorujussuupput, pissutigerpiarlugu nerisat timillu aalatinnera peqqissutsitsinnut pingaaruteqartorujussuummata. Naartusunut ilaqutariinnullu mikisunik meerartalinnut kakkersagaq, ilaqutariit amerlanerit peqqissumik inooriaaseqarnermik toqqaanissaannik, Naalakkersuisut anguniagaannik tapersiivoq”, Peqqissutsimut Attaveqarnermullu Naalakkersuisoq, Steen Lynge, oqaaseqarpoq.

Meeqqap peqqinnartumik ineriartornissaa qulakkeerniaraanni, ukiut inuuffiit siulliit peqqinnartunik nerisaqarnissaq timillu atornissaa pisariaqarpoq. Nerisaqarnikkut timillu aalatinnissaanut iIleqqut pitsaasut meeraanermi tunngavilerneqartarput kingornalu pualavallaalersinnaanermut inooriaatsimillu patsiseqartumik nappaateqalersinnaanermut pitsaaliueqataasarlutik.

Kakkersakkami innersuussutit, Inuussutissat pillugit Siunnersuisoqatigiit “Nerisanut siunnersuutit qulit”, Peqqissutsimut Aqutsisoqarfiup innersuussutaanik kiisalu meeraaqqat nerisassaat pillugit paasisanik nutaanerpaanik tunngaveqarput.

Meeraaqqat alliartornertik ilutigalugu sunik nerisaqartariaqarnerannut nerisaqarsinnaanerannullu kiisalu sunik nerisinneqannginnissaannut tunngasut kakker-sakkami ilaatigut atuarneqarsinnaapput. Kakkersagaq immikkoortumik timip aalatinnis-saanut tunngasumik meeqqap ineriartorneranut peqqinneranullu annertuumik pingaarutilimmittaaq ilaqarpoq.

Peqqinnissaqarfiup kakkersagaq tunniutissavaa: ”Siunnersuutit peqqinnartut - Meeraaqqat 0-3 ukiullit aamma naartusut milutsitsisullu”, angajoqqaanngortussanut angajoqqaanngorlaanullu. Kakkersagaq aamma Peqqinnissaqarfiup nittartagaani www.peqqik.gl –mi aaneqarsinnaavoq.

Kakkersakkap saqqummiunneqarnera Nunafondinimit tapiiffigineqarpoq: ”Siunnersuutit peqqinnartut – meeraaqqanut 0-3 ukiulinnut kiisalu naartusunut milutsitsisunullu nerisassat”.