Piniarnermut allagartat

Maajip aallaqqaataani piniarnermut allagartap akilereerneqarnissaanik piumasaqaatip atorneqannginnissaa pillugu tusagassiorfinnut nalunaarut

Naalakkersuisoq Karl Lyberth aalajangiivoq 2013-mi aasakkut ukiakkullu tuttunniarnissamut umimmanniarnissamullu akuersissutinik qinnuteqarsinnaanissamut maajip aallaqqaataani piniarnermut allagartap akilereerneqarnissaanik piumasaqaatip atorneqannginnissaa avammut nalunaarutigissallugu. Tassani tunngavigineqarpoq piniarfinni arlaqartuni tuttunik umimmannillu pisassiissutit killeqanngimmata.

Piumasaqaatip atorneqannginnissaa peqqutigalugu maajip aallaqqaataata kingorna piniarnermut allagartamut akiliisimasut 2013-mi aasakkut ukiakkullu piniarnissamut akuersissutinik qinnuteqarsinnaapput aamma.