Allakkatigut taasinerit 41-t pillugit

Kommuneqarfik Sermersooq-mi allakkatigut taasinerit 41-ut nassaarineqartut Qinersinermut Ataatsimiititaliap suliarai



Qinersinermut Ataatsimiititaliap ullumi suliaraa allakkatigut taasinerit 41-ut Kommuneqarfik Sermersooq-mi nassaarineqartut.

Qinersinermut Ataatsimiititaliap aalajangerpaa kommune noqqaaffigineqassasoq piaartumik allakkatigut taasinerit Qinersinermut Ataatsimiititaliamut nassiunneqassasut aamma suliaq pillugu nassuiaasiortoqassasoq. Tamatuma kingorna qinersinermut Ataatsimiititaliap naliliiffigissavaa allakkatigut taaasinerit qinersivinni ilaasortanngortut agguarnerannut, ilaasortanngortut katitigaanerannut imaluunniit sinniisussanngortut tulleriinnerannut allanngortitsisinnaanersut. Aqagu pingasunngornermi maajip 1-ani nal. 10:00 Qinersinermut Ataatsimiititaliap ataatsimiinnini nangissavaa.

Qinersinermut Ataatsimiititaliaq sinnerlugu

Søren Stach Nielsen
Naalakkersuisut Siulittaasuata Naalakkersuisoqarfiani pisortaanerugallartoq