Qamutit motoorillit akileraarutaat

Inatsisartut 2012-imi ukiakkut ataatsimiinnerminni qamutit motoorillit akileraarutaat pillugit inatsimmut allannguutissat akuersissutigaat.

Qamutit motoorillit 1.500 kg-t ataallugit oqimaassuseqartunut akileraarusersuinermut killiliussat 1. april 2013-imiit atuutilersussamik allanngortiteriffigineqarput.

Qamutit motoorillit 901 kg-t ataallugit oqimaassutsinut agguataarinermi maannamut killiussaq 1.001 kg-nut allanngortinneqarpoq. Oqimaassutsit tunngavigalugit akileraarusersuinerit nutaat marluk, tassalu qamutit motoorillit 1.001 kg-niit 1.200 kg.-t angullugit oqimaassusilinnut kiisalu qamutit moorillit 1.201 kg-niit 1.500 kg-t angullugit oqimaassusilinnut akileraarutit atuutilersinneqarput. Oqimaassutsinut allanut akileraarusersuinermut tunngaviit allanngortinneqanngillat.

Qamutit motoorillit akilerutaannik akiligassiinissani tulliuttumi ullormilu 1. april 2013-imi akilerneqartussanngortussat kingusinnerpaamillu 20. april 2013-imi akilerneqareersimasussat, qamutit motoorillit akileraarutaat ima annertussuseqassapput:

1) Qamutit motoorillit 1.000 kg-t angullugit oqimaassusillit: kr. 6.554.
2) Qamutit motoorillit 1.001 kg-niit 1.200 kg-t angullugit oqimaassusillit: kr. 10.049.
3) Qamutit motoorillit 1.201 kg-niit 1.500 kg-t angullugit oqimaassusillit: kr. 10.747. 
4) Qamutit motoorillit 1.501 kg-niit 1.800 kg-t angullugit oqimaassusillit: kr. 15.231.
5) Qamutit motoorillit 1.800 kg sinnerlugit oqimaassusillit: kr. 17.575.
6) Motorcykelit: kr. 3.540.

Qamutit motoorilinnik piginnittut akiligassinneqarnerminnik marsip qaammataata naajartornerani tigusaqarumaarput.

Akileraartarnermut Aqutsisoqarfiup kajumissaarutigissavaa akiligassiissutit PBS-ikkoortittalernissaat anguniaqqullugu. Taamaattorli makkua eqqumaffigeqquneqarput: Qamut motoorilik inummut allamut tunisimagaani tamatumalu kingorna allamik pisaarluni, taava akiligassat takussutissartaan-ni tigusimasami misissorneqassaaq qamummut motoorilimmut eqqortumut akiligassiissut tigusimanerlugu, tassami qamummik motoorilimmik pigisaqartup pigiunnaakkani nalunaarutiginissaa kiisalu qamut motoorilik alla pisaani nalunaarsortinnissaa nammineerluni qulakkeertussaagamiuk.

Allannguutinut paasissutissat annertunerusut Akileraartarnermut Aqutsisoqarfiup nittartagaani www.aka.gl –imi takuneqarsinnaapput imaluunniit akileraaruseriffimmut qaninnermut saaffiginninnikkut pissarsiarineqarsinnaallutik.

Akileraartarnermut Aqutsisoqarfik

01. marts 2013